Thailand ram, Tak province ah kum 5 lawng a si rihmi Myanmar nute cu an tlaihhrem hnu ah an thah. A ruak cu July 4 ah ramlak ah an hmuh.
Ngakchia nute ruak cu an hmuh ahhin a kut le ke hri in aa tem i a thil zong an tlek dih.
Palek nih thawng an theih sin tein Mase Sot district ah a ummi Muhajireen community sinah ah an kal colh.
Ngakchia nute hi an tlaihhrem hnu ah an thahmi si lai tiah an zumh. Palek nih thil sining an hlat i atu tiangah lunghrinhmi 3 an tlaih hna.
Mae Sot sizung sibawi nih ngakchia nute cu a pum chunglei ah aa hliam i a thi chuak tiah an fehter. Cun, a ka chungah thil palpawi an hmuh.
Cu thawngpang nih cun khuami cu thinphang thlalau in a tuah hna.
Ngakchia nute hi July 3 zaan sml 7 hrawng ah a tlau an ti i a thaizing zingka ah a ruak in an hmuh.
“Ngakchia nute cu tual ah amah telawng lente aa celh lio ah mipa pakhat nih aa kalpi. A hnu ah mipa cu amah lawngin a rak kir,” tiah mithmutu pakhat nih a chim.
Ngakchia nute a kalpi tu pa hi Myanmar ram a um lio ah nu tlaihhrem case in kum 7 thong a tla balmi a si an ti. – TNT
