16.4 C
Hakha
Thursday, April 15, 2021
- Advertisement -

Ṭial Tharmi

Malaysia ah amah tein aa thatmi Myanmar rammi 9 an si cang

Malaysia ram ah Covid-19 zawtnak ruangah rianttuan awk ngei loin harsatnak a tong i amah le mah nunnak tiang aa lami Myanmar rammi 9 an si cang tiah kan theih.

“Perak state, Taiping khua ah rian a ttuanmi Myanmar pa cu a rianttuannak hmun ah hri in aa awk. Amah tein a nunnak aa lami Myanmar rammi 9 hi an dihlak in phungninglo in a ummi lawng te an si hna.

“Atu cu rianttuan awk a um cang. Cheukhat cu zarh 1 ah ni 3, 4 an ttuan hna. An lungretheihnak le an harsatnak ruangbik ah si ko lai,” tiah Malaysia phan Myanmar rammi bawmtu bu pakhat ah chairman simi U Tun Tun nih a chim.

Atu a donghnak bik aa thatmi hi construction rianttuanmi a si. Kum 20 hrawng te lawng a si rih i Myanmar ram ahcun Magawi ramtthen ah a ummi a si.

Malaysia ram ahhin Myanmar rammi 550,000 leng an um i hnarcheu cu phungninglo in a ummi an si hna.

Covid-19 zawtnak ruangah thla 3 hrawng rianttuan loin um a si pinah Malaysia cozah nih zawtnak lakah phungninglo minung pawl tlaikhihnak a tuah peng caah lungretheih in amah le mah nunnak tiang aa lami an um hi a si.

Atu hi Malaysia ram um phungninglo Myanmar rammi 7,000 leng nih Myanmar tanzung ah Myanmar ram tlung dingin min an pek cang.

“Ipoh khua ah a ummi Myanmar rammi tampi cu Myanmar ram tlun an duh hna. Keimah hi Ipoh ah a ummi ka si i nifatin zeitindah kan tlun khawh lai ti an ka hal peng. Hika lei ahcun visa thih hnu tiang a ummi an tambik,” tiah U Tun Tun nih a chim.

Malaysia ram ah Myanmar rammi cheukhat anmah le mah nunnak an i la timi thawngpang a chuah hnu ah ramdang phan Myanmar rammi pawl cu lungdongh lo dingin le Myanmar ram tlung kho dingin kan in bawmh hna lai, tiah Myanmar Ramdang Vuanci Zung nih a ti.

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -