15.3 C
Hakha
Thursday, April 22, 2021
- Advertisement -

Ṭial Tharmi

Malaysia ah Covid-19 mizaw thar 15 an hmuhchap

Tuni ah Malaysia ah Covid-19 zawtnak ngeimi 15 an hmuhchap hna i zawtnak ngei hmuhmi dihlak 9,129 an si cang.

Atu hi Kedah state, Tawar khua ah Covid-19 mizaw tam taktak an hmuh hoi hna.

Malaysia Ngandamnak Vuanci Zung lutlai Datuk Dr Noor Hisham Abdullah nih,”Covid-19 mizaw thar hmuhmi 15 lakah 11 cu ramchungah aa chawnmi an si.

“9 hi Tawar khua ah hmuhmi an si. A dang 2 cu Kuala Lumpur ah a si i Malaysia rammi le ramdangmi an si. 4 hi Indonesia le Yemen in a rak tlungmi Malaysia siangngakchia an si.

“Kedah state, Tawar district chungah Covid-19 mizaw tampi kan hmuh hna. Chawlet Malaysia pa sinah Covid-19 zawtnak hmuh hmasatbik a si. Chungkhar thimi um ruangah biaknak puai ah a kalmi a si.

“Puai cu July 31 in Aug 1 tiang an tuah i minung 30 hrawng an i tel,” tiah a chim.

Malaysia pa cu Aug 8 ah a ttangfak, a zawt caah Covid-19 test hmasat loin aa piah colh.

Dr Noor Hisham nih,”amah he aa chawnbiami le neihniammi minung 86 kan test hna. Mipa i a chungkhar minung 9 sinah Covid-19 zawtnak rungrul kan hmuh. An lakah 3 cu zawtnak hmelchunhnak an ngei hna.

“Minung 86 kan testmi hna lakah 21 cu negative an si. A chungkhar minung 9 positive an si i 56 cu a result kan hngah lio a si,” tiah a chimchap.

Atu hi Malaysia sizung pawl ah Covid-19 in a zaw liomi mizaw 183 an si. ICU ah mizaw 2 an um.

Tuni ah Covid-19 in a dam i sizung in ttin termi 4 an um. Malaysia ram ah Covid-19 aa thokka in nihin tiang a dammi 8,821 an si cang.

Cun, tuni ah Covid-19 in a thimi an um lo. A thimi 125 cazin ning a si. – The Star

- Advertisement -

Ṭial Tharmi

US Chin pa Za Uk Lian nih minung 1 a kah thah, 1 hliam

US ram, Pennsylvania state um Za Uk Lian nih Nithumni zingka dei hlan ah meithal in minung 1 a kah thah hnu ah amah...

CNF Sakhan umnak Thantlang peng khuate 6 cu ralkap nih lengchuah an khap hna

Chin Miphun Ralkap (CNF) headquarters Victoria Sakhan kalnak lam ah a ummi khuate 6 cu April 21 thokin uknak firtu Myanmar ralkap nih khuapi...

President Biden: US ah COVID-19 raikhamsi 200 million kan chunh cang hna

US President Joe Biden nih, "President ka ṭuan ni 100 chungah COVID-19 raikhamsi 200 million kan chunh hna lai ka rak timi cu kan...
- Advertisement -

Dr Sasa nih ASEAN sinah hitin ca a kuat

Caankarlak cozah NUG biachimtu le Ramdang he Rianṭuanṭinak Vuanci Dr. Sasa nih ASEAN sinah ca a kuat. April 24 ah ASEAN nih Myanmar kong Lakhruak...

ASEAN ram pawl nih Min Aung Hlaing meeting an sawmmi hi an let awk a si – HRW

A ra laimi Zarhteni (April 24) ah ASEAN ram pawl nih Indonesia ram ah Myanmar ram kong ceih dingin meeting tuah an tim i...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -