20.3 C
Hakha
Sunday, April 18, 2021
- Advertisement -

Ṭial Tharmi

Malaysia ah Covid-19 mizaw thar 25 an hmuhchap

August 7, 2020 ah Malaysia ah Covid-19 zawtnak ngeimi 25 an hmuhchap caah zawtnak ngei hmuhmi dihlak 9,063 an si cang.

Malaysia ramchung ah zawtnak aa chawnmi hi cu 16 an si i cuchung ah 12 cu Kedah state, Napoh sang i Covid-19 mizaw tampi hmuhnak Sivagangga he aa pehtlaimi an si hna.

Zeiruang ahdah Sivagangga an ti ti ahcun Malaysia ah zungzal um khawhnak (PR) ngeimi pa cu India, Sivagangga khua in a rungtlung. An nih hi Kedah state ah rawl dawr ngeimi asi.

Airport a phak ka ah Covid-19 an test i negative a si nain cozah nawl chuah ningah inn ah zarh 2 chung i khumherh ding a si.

Nain, inn ah i kumherh loin rian a ttuan colh. July 28 ah Covid-19 zawtnak a ngei i a fapa telhin a rianttuan 4 a chawnh hna. Cutin, khat le khat an i chawn lengmang hna i atu tiang a dih kho rih lo. Cucaah, Covid-19 mizaw tampi hmuhnak Sivagangga tiin Ngandamnak Vuanci Zung nih a auh hi a si.

Ramchung i Covid-19 zawtnak aa chawnmi 16 lakah 15 cu Malaysia rammi an si i pakhat lawnglawng hi ramdangmi a si.

“Kedah le Penang state ah Sivagangga he aa pehtlaimi Covid-19 mizaw pakhat veve kan hmuh hna,” tiah Ngandamnak Vuanci Zung lutlai Datuk Seri Dr Noor Hisham Abdullah nih tuni ah a chim.

Ramchung ah zawtnak ngei hmuhmi ramdangmi pakhat cu phungninglo um ruangah tlaih i Johor khua lahwahkah thonginn ah chiahmi a si.

Cun, Covid-19 mizaw thar hmuhmi lakah 9 cu Philippines, United Arab Emirates, Turkey, Djibouti, Australia le Yemen ram hna in a rung tlungmi an si.

Tuni ah Covid-19 in a thimi an um lo. A thimi 125 cazin ning a si.

August 7 ah Covid-19 in a dam i sizung in tinter mi 15 an si. Malaysia ram ah Covid-19 aa thokka in nihin tiang a dammi 8,728 an si cang.

Atu lio Malaysia sizung ah Covid-19 in a zawmi 210 an si. Mizaw zual zohkhenhnak (ICU) ah mizaw 2 an um, pakhat cu a zual deuh caah ventilator an bunhpiak. – The Star

- Advertisement -

Ṭial Tharmi

Tuni ah ralkap nih minung 2 meithal in an kah hna

Tuni Zarhpini ah, Mandalay ramṭhen Myingyan khua ah tlangval pakhat cu ralhrang Myanmar ralkap nih meithal in an kah caah a nunnak caah thinphan...

Sihni Salai Dawt Cung Lian inn ah gas a puak i a nunnak liam

Sihni Salai Dawt Cung Lian cu an inn ah gas a puak i a nunnak liam tiah kan theih. An nih hi Mandalay ah ralkap...

Yangon ah bomb a puak i ralkap 3 hliam tong

Nizaan ahkhan Yangon ah bomb tam ngai a puak i ralhrang Myanmar ralkap a tlawmbik 3 paoh hliam an tong, tiah The Irrawaddy media...
- Advertisement -

Bill Gates nih ‘mah 3’ a thiammi hi cu hmailei ah rian tha an hmu kho lai ati

Vawlei cung mirumbik 4nak a simi Bill Gates cu hmailei kong lawngte ah a buai khim ko. Thil thar sertu le sipuaizi thlengtu pawl he...

Apoi tuk: Min Aung Hlaing cu ASEAN Meeting a kai lai

Uknak firtu Myanmar ralkap bawizik Min Aung Hlaing cu April 24 ah tuah ding ASEAN meeting ah an sawm ve caah Indonesia a tlawng...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -