Tuni Zarhpini ah Malaysia ram ah Covid-19 zawtnak ngeimi 5 an hmuh chap hna i, Malaysia ram chungah zawtnak ngei hmuhmi dihlak 8,663 an si cang.
Malaysia Ngandamnak Vuanci Zung i director-general Datuk Dr Noor Hisham Abdullah nih,”mizaw 3 cu ramdang in a rung tlungmi an si i 2 cu ramchung in aa chawnmi an si,” tiah tuni ah a chim.
Atu hi Malaysia ram pumpi ah Covid-19 in a zaw liomi mizaw 77 an um.
Ramdang in a rung tlungmi mizaw 3 cu Malaysia rammi le PR ngeimi an si.
Malaysia ramchung ah zawtnak ngei hmuhmi 2 cu Sabah le Seremban ah ummi an si i Malaysia rammi an si.
Dr Noor Hisham nih tuni ah mizaw 4 cu Covid-19 in an dam i sizung in kan ttinter hna a ti.
Malaysia ram pumpi ah Covid-19 zawtnak a umka in nihin tiang a dammi 8,465 an si cang.
Tuni ah Covid-19 in a thimi an um lo, atu tiang ah Covid-19 in a thimi 121 an si.
“Covid-19 zawtnak karh lonak ding ah rian a ttuantu nan dihlak kan in lawmhpi hna,” tiah Dr Noor nih a chim. – The Star
