27.6 C
Hakha
Thursday, April 22, 2021
- Advertisement -

Ṭial Tharmi

Malaysia ah Kawlrammi 1 Covid-19 in thi

Malaysia ram, Jinjang khua ah rian a ṭuan Kawlram pa cu April 13 ah a nunnak liam. Covid-19 zawtnak in a thi, tiah Malaysia nawlngeitu nih April 16 ah an fehter.

Aung San Win, kum 50 cu a umnak inn ah zarh 2 chung a zawt hnu April 13 ah inn chungah a tlu i a nunnak liam.

Bago ramṭhen, Nyaung Lay Pin khua ah a rak chuakmi si.

Covid-19 Dotu Ngandamnak Vuanci Zung le Palek sinah thawng an thanh i a thihnak a ruang fehter dingin a ruak cu Kuala Lumpur Sizung ah an kuat.

Kuala Lumpur Sizung nih a check hnu ah Covid-19 zawtnak in a thi tiin tuni ah a fehter, tiah Malaysia Kawlrammi ruak vuitu KFFS Chairman U Sein Win nih a chim.

“Tu zingka ah a kan chimh. Covid-19 ruangah a thihnak si an ti. A rannak in ruak a kan vuiter.

“Atutiang ah Malaysia um Kawlrammi 30 leng Covid-19 zawtnak an ngei cang i ralring tein um cio kan herh,” tiah a chimchap.

April 12 zaan zongah Sepang khua um kuthruk sehzung rianṭuan Kawlrammi pawl cu minung tampi in Thingyan puai an tuah ruangah palek nih minung 62 an tlaih hna.

- Advertisement -

Ṭial Tharmi

CNF Sakhan umnak Thantlang peng khuate 6 cu ralkap nih lengchuah an khap hna

Chin Miphun Ralkap (CNF) headquarters Victoria Sakhan kalnak lam ah a ummi khuate 6 cu April 21 thokin uknak firtu Myanmar ralkap nih khuapi...

President Biden: US ah COVID-19 raikhamsi 200 million kan chunh cang hna

US President Joe Biden nih, "President ka ṭuan ni 100 chungah COVID-19 raikhamsi 200 million kan chunh hna lai ka rak timi cu kan...

Dr Sasa nih ASEAN sinah hitin ca a kuat

Caankarlak cozah NUG biachimtu le Ramdang he Rianṭuanṭinak Vuanci Dr. Sasa nih ASEAN sinah ca a kuat. April 24 ah ASEAN nih Myanmar kong Lakhruak...
- Advertisement -

ASEAN ram pawl nih Min Aung Hlaing meeting an sawmmi hi an let awk a si – HRW

A ra laimi Zarhteni (April 24) ah ASEAN ram pawl nih Indonesia ram ah Myanmar ram kong ceih dingin meeting tuah an tim i...

Falam pengah Chin ralkap ‘CNDF’ an dirhmi hi mipi caah a tha maw?

Falam peng, Kalay-Kabaw le ramkip um Chin miphun nih kan ceih hnu April 13 ah Chin Miphun Runvennak Ralkap (Chin National Defence Force -...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -