16.9 C
Hakha
Thursday, April 15, 2021
- Advertisement -

Ṭial Tharmi

Malaysia ah Mask hruk loin lengchuakmi paoh RM1,000 dantat ding

Nizaan ah Malaysia cozah nih taxi, tlanglawng, bus i cit tik le mibu lak umkal tikah Mask i hruk hrimhrim ding timi nawl thar a chuah.

Malaysia ram ah Covid-19 zawtnak aa chawnmi nifatin an karh peng ruangah August 1 thok in cun lengchuah tikah mask aa hruk lomi paoh RM1,000 dantat an si lai.

Malaysia ram Runvennak Vuanci Ismail Sabri Yaakob zong nih naite thok in Malaysia ram ah Covid-19 zawtnak ngeimi tlawmte an hung karh deuh a ti.

Malaysia Ngandamnak Vuanci Zung zong nih Malaysia ram ah a ummi mipi pawl nih social distancing (khat le khat hlat piin um) an zul lo. A hlei in mipi tlunkalnak ah hmanmi tlanglawng, bus le mibu lak an kal tikah khat le khat a hlat piin an um hna lo a ti.

Kan hnu thla ahkhan Ngandamnak Vuanci Zung i director-general Datuk Dr Noor Hisham Abdullah nih,”mipi nih social distancing, lengchuah paoh ah mask i hruk, atu le tu chapiat in kut ttawl silole hand sanitiser an hman ahcun July thla tanttim in cun Covid-19 mizaw thar an um ti lai lo,” tiah a ti. Nain, atu hi July thla a dih deng nain zawtnak ngeimi an karh chin.

SoutheastAsia ram pawl ahcun mipi nih tlunkalnak caah tlanglawng le bus hi an hman deuh hna. Malaysia ram lawng siloin Myanmar ram zongah bus in tlunkal deuh cio a si.

Tlanglawng le bus aa citmi hi nifatin a thong in an si i khat le khat hlat piin um hi an zul kho rih hna lo.

Malaysia ram ahhin January thla chungah Covid-19 mizaw hmasabik hmuh a si nain cuhlan ahcun mask i hruk hrimhrim ding timi nawl chuah a um bal rih lo.

Atu ahcun August 1 thok in mask hruk loin lengchuak mi paoh RM1,000 dantat an si lai tiah Malaysia Runvennak Vuanci Ismail Sabri Yaakob nih nizaan ah a thanh.

Malaysia ram ah mask 1 cu a tlangpi in RM1.50 in an zuar. RM1.20 tiang ttumh dingin an i zuam pin ah August 15 in cun man deng deuh in zuar an timh fawn.

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -