Mifir nih bank tangka chuahnak seh ATM 3 an baoh i RM300,000 an fir. ATM cu Tanjung Malim khua i Haji Mustafa Raja Kamala lamkam ah a ummi an si.
Muallim peng palek bawizik Wan Kamarul Azran Wan Yusof nih, “tu zingka 6:30am hrawngah an baoh,” tiah a chim.
“Zarhpini zaanlei ah bank nih ATM seh chungah tangka RM300,000 a rawn. ATM cu baoh lakin mifir nih an puah i a chung um tangka cu an fir dih.
“ATM seh 2 cu an puahnak ah an rawk ve nain a chung tangka cu an fir kho lo. ATM seh an umnak inn thlalang zong an kuai.
“Mawtaw chiahnak hmun ah a puak khomi chemical zong kan hmuh len. ATM seh an puahnak thilri a si lai tiah kan zumh. Thi dor 3 zong kan hmuh. ATM an puah lio ah minung khat aa hliam i si men lai.
“Nain, thi cu forensic nih an check result a chuak rih lo,” tiah a chim. — Bernama
