Malaysia lahwahkah rianttuan nih UNHCR card deu a zuartu Myanmar rammi 15 le Bangladesh rammi 1 an tlaih hna.
Malaysia nawl ngeitu nih UNHCR card deu a sertu hna i an rianttuannak cu thla 2 fai an ngiat hnu ah August 4 ah Jalan Lebuh Pudu ah a ummi inn 2 ah an luhhnawh hna.
Myanmar rammi 15 le Bangladesh rammi 1 an tlaih hna. Anmah pawl nih hin Myanmar rammi sinah UNHCR card deu 30,000 hrawng an zuar cang.
Malaysia lahwahkah bawizik Datuk Khairul Dzaimee Daud nih,”Immigration card deu 13, UNHCR card deu 35, UNHCR catlap deu 6, laptop, printer le lamination seh kan chuh hna.
“Mihrokhrawl hna cu hi rian an ttuan hi kum 2 hrawng si cang i UNHCR card deu 30,000 hrawng an zuar cang lai tiah kan zumh.
“Thla 2 fai an rianttuannak kan ngiatnak ah nikhat ah customer 30 in 50 peng an ngei,” tiah tuni ah a chim.
“UNHCR card deu a zuartu hna nih hin UNHCR card cu pakhat ah RM30 in RM150 kar an hauh.
“Card deu zuartu pawl nih Klang Valley ummi pawl cu kan caw ulaw nan kan cawk ni ah kan in kuat lai an ti hna. Thil sining kan hlat tikah Malaysia ram pumpi ah UNHCR card deu kuatnak ah satteih an hman,” tiah Khairul nih a chimchap.
UNHCR card deu zuartu Myanmar rammi 15 le Bangladesh rammi 1 cu Lengneng lahwahkah thonginn ah an chiah hna lio a si. An konglam zong an kherhlai hna lio a si. Tazacuai an si lai. – The Star
