28.1 C
Hakha
Thursday, April 15, 2021
- Advertisement -

Ṭial Tharmi

Malaysia Chin Biakinn Vialte On Ṭhan Khawh Si Cang

“Malaysia Chin biakinn vialte on ṭhan khawh asi cang,” tiah Alliance of Chin Refugees (ACR) Chairman James Bawi Thang Bik nih a thanh.

“Sinain, nan biakinn nan on hna tikah Malaysia cozah nih a chuahmi COVID-19 zulhphung (SOP) nan zulh hrimhrim lai. A sullam cu hlan bantukin biakinn khat in nan i pum lai lo. Ahlan aa pum tawnmi cheuthum ah cheukhat lawng nan i pum lai. Khat le khat pe 6 hlat in nan ṭhu lai.

“Biakinn kutka hram ah kut thianhnak (hand sanitizer) nan chiah hrimhrim lai. Kutka hram ah an taklinh nan tah dih hna lai i cauk ah an min, phone number, caan le an taklinh nan ṭial dih lai. Mask nan i hruk dih lai. Biakinn chung caan hman lio zongah nan i hruk peng lai,” ati.

Biakinn lawnglawng ah pumh khawh asi. Inn ah pumh a ngah lo. Inn ah khua pumh le sang pumh tuah rih lo ding asi lai.

Malaysia ummi vialte nih an hngalh khawhnak hnga share cio usih.

James Bawi Thang Bik: Ralzam pumhnak kong bia halnak ka tuahmi cu tu zing ah Malaysia UNHCR a lu bik nih lehnak a rak tuah cang. Keimah nih ka halmi ahcun nizaan ah Chin biakinn on ṭhannak ding caah Ministry of National Unity lei nih zulh dingmi SOP an rak ka kuatmi he pehtlaih in UNHCR sinah ruahnak ka hal.

UN lei nih an ka chimhmi cu, “biakinn kong cu kanmah kan rian a si lo i cozah nih chuahmi nawl tu kha zul ko u” tiah an ka leh. “Cozah he long aa pehtlaimi asi caah UNHCR lei nih cu YES or NO ti le zulh dingmi phunglam kan chuah kho lai lo. Nanmah tein ralring tein cozah phunglam tu kha rak zul ko uh” tiah an ka leh.

A suallam cu Malaysia um Chinmi biakinn on ṭhan khawh a si cang tinak a si. 

Na tein, kan on ṭhan tikah theih a herhmi hna pawl cu SOP zulh hrimhrim ding kha a biapi ngai. Biakinn chung ah khat le khat aa hlat piin nan ṭhu lai (social distance nan tuah lai) i aa tlum ti lomi cu inn ah ṭin ding a si ko lai. A hlan a rak i pum tawnmi milu cheu thum ah cheu khat hrawng in thawk hmasa sisehlaw a ṭha lai.

Biakinn kutka ah min ṭialnak le taklinh tahnak (thermometer) chiah in upa te nih ṭuanvo lak an hau ko lai. Min cazin le phone number pawl biakinn chung luh lai ah ṭial hrimhrim a hau lai.  Music tu kha cu thang tuk loin tuah rih sisehlaw a ṭha lai. Pumh dih ah biakinn hmai hawi le kom hngak in a bubu in um lo ding. Pawngkam nih complain an tuah sual ahcun zei ti hmanh in ṭuanvo lak khawh a si ti lai lo. 

Kanmah ACR tang i ummi biakinn pawl caah cun a rauh hlan ah Ministry of National Unity i pekmi SOP cu Kawlca in kan kuat dih hna lai i zulh hrimhrim a hau lai. Kan mipi le kan i dawrnak kan biakinn pawl himnak caah a si. Theih dingmi cu SOP zulh lo ruang ah dantatmi cu zeitin hman ṭuanvo lak khawh a si lai lo. 

Note: Biakinn luhnak ah kut ṭawlnak (Hand Sanitizer) chiah hrimhrim ding. Biakinn chung caan hman (pumhnak service) lio zong ah aa pummi nih mask hruk dih hrimhrim ding.

Chinmi Pathian nih rak kan umpi ko seh!

Dawtnak he, 
ACR Chairma
James

ACR kong le atu lio UNHCR boruak theih na duh ahcun a tangah ACR Chairman James interview zoh khawh asi.

- Advertisement -

Ṭial Tharmi

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...
- Advertisement -

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

UN: Myanmar buainak hi Syria bantukin ‘buainak fak taktak’ ah aa chuah kho

Minung 700 leng nunnak a la cangmi Myanmar buainak hi 'Syria bantuk buainak fak taktak ah aa chuah kho' tiah UN Human Rights zung...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -