16.9 C
Hakha
Thursday, April 15, 2021
- Advertisement -

Ṭial Tharmi

Malaysia Chin Ralzaam Sianginn Cheukhat an On Cang Hna

Malaysia Chin ralzam sianginn cheukhat an on cang hna. Malaysia ah a ummi Chin ralzam sianginn cheukhat cu an on cang hna tiah kan theih.

COVID – 19 ruang ah Malaysia cu March 18, 2020 in lockdown an tuah ruang ah an mah Malaysia cozah sianginn siseh Chin ralzam sianginn siseh khar dih a rak si.

COVID – 19 zawtnak a hun tlawm deuh cang i Malaysia ah a ummi Chin ralzam sianginn cheukhat zong an on cang i sianginn kai an thawh cang hna.

ACR learning Centre cu an sianginn an on cang. “ACR learning centre siang inn cu July 22, 2020 ah khan sianginn kai kan thawk cang. Ti le mei a tlamtling rih lo ruang ah a tu lawlawse cu minung 100 lawng sianginn an kai chung. August thla thawk cun dihlak in sianginn kai khawh a si cang lai. ACR Learning Centre ahhin student minung 264 an um. Inn lian deuh mi hman a si cang caah student 300 cu kan cohlan khawh cang lai” tiah ACR coodinator James Bawi Thang Bik nih Malaysia Chimi Authawng ah a chim.

Zotung Regufee Catholic Learning Center sianginn zong an on cang tiah kan theih. “Kan nih cu July 1, 2020 khan sianginn kai kan thawk cang. UNHCR nih protection letter a pek dih mi hna sianginn kha online in meeting a kan auh i Gindergarten le pre-school pawl cozah nih July 1,2020 ah sianginn on khawh si cang tiah thawng an kan thanh i kan on vemi a si. UN tang ah a um vemi kan si kan mah nawl in kan on mi a si lo. Student minung 68 ka ngei” tiah sayamah Bawi Tin Sui nih Malaysia Chinmi Authawng sinah a chim.

Han International School zong sianginn an on ve cang. ” Siangin kai an thawknak zarh khat hrawng a si cang. Student minong 100 hrawng an si i Laimi lawngte an si” tiah Ampang sang ah a ummi Salai Tial Thang nih Malaysia Chinmi Authawng sinah a chim.

Makotah Cheras sianginn zong an on cang. Laimi sianginn a si student minung tlawmpal te lawng an si. Student minung 10 hrawng te lawng an si tiah Makotah ummi upa pakhat nih a chim.

Matu Social Organization Learning Centre zong sianginn kai an thawk ve cang. ” Tulio cu social distance law zulh a herh ruang ah student 60 an si nain zing ah minung 30 le zanlei ah minung 30 tiin kan then hna i July 22,2020 ah khan sianginn kai kan thawk ve cang” tiah Mutu Social Organization Chiarman Salai Mosty nih Malaysia Chinmi Authawng sin ah a chim.

Zophei Children Learning Centre sianginn cu tukum chung an i din rih lai. ” Kannih Zophei sianginn cu tukum cu kan i din rih lai. Budget a tlamtling lo ruangah tukum cu kan i dinh chung hi a si” tiah Sayamah Ngun Hlei Iang nih a chim.

Senthang Children Education Centre sianginn zong an on cang. ” Kan hnu zarh ah khan sianginn kai an thawk cang. Student an tam lo” tiah Senthang Christian Fellowship upa Saya Titus nih MCA ah a chim.

Mara Community Sianginn cu an ong rih lo. “Zei tikah on a si lai ka thei rih lo. Thawngpang zoh lio cuahmah a si ko” tiah Mara Community upa Salai Kam Cung Lian nih a MCA ah a chim.

FRO nih nih a ngeih mi sianginn zong an on rih lo tiah kan theih. Zeitik ah an on lai kan thei kho rih lo.

Chin Student Organization sianginn zong an on rih lo. August 1, 2020 ah an on lai tiah kan theih. Student minung 90 hrawng an si tiah kan theih.

Khumi lei le Tedim lei kan pehtlai kho hna lo. Malaysia ah Chin ralzam sianginn tam deuh cu an on cang hna i bawmtu le hmunhma ngeih lo ruang ah sianginn kai a thawk kho rih lomi zong tampi an um tiah theih a si.

Photo: Chin Student Organization (CSO) Facebook. Virus a um hlan hmanthlak. 

Credit: Malaysia Chinmi Authawng (MCA )

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -