16.9 C
Hakha
Thursday, April 15, 2021
- Advertisement -

Ṭial Tharmi

Malaysia Chinmi UNHCR Card/Catlap Ngei 22,000 Fai Lawng Kan Si Cang

Malaysia ram ah Chinmi 50,000 hrawng kan um rih lai tiin Chin ralzaam bu hruaitu pawl nih an ruahdamh nain UNHCR card/catlap a ngeimi cu 22,510 lawng kan si cang.

2019 January tiang ahcun UNHCR card le catlap ngei Chin ralzaam 30,000 hrawng kan rak si. 2019 April thla dongh ahcun 24,720 ah kan zor.

Malaysia um Chinmi kan milu cu a zor lo nain UNHCR nih 2019 chungah Chinmi tampi card le catlap a chuh hna, cun ram thumnak ah 2,000 hrawng an kal caah UNHCR cazin ah hi zat te lawng kan umnak asi.

UNHCR cazin ah Chin ralzaam cu ram thumnak a kalmi he fonh in 7,490 bak kan zor nain UNHCR ralzaam dihlak cazin cu a zor hlei lo, a karh lehlam.

2019 April thla dongh tiangah UNHCR cazin ah ralzaam 170,460 kan rak um.

2020 June thla dongh tiang ahcun 177,940 ah a karh. 7,480 bak an karh. A karhmi hi Rohingya deuh lawngte an si.

177,940 chungah 153,190 cu Myanmar rammi kan si. Mah hna cu;

  • Rohingya 101,320
  • Chin 22,510 le
  • A taangmi 29,340 cu Kachin, Karen, Rakhine, tbk., tlangcung miphun dang pawl an si hna.

A taangmi 24,510 cu ramdang ralzaam an si;

  • Pakistan (6,670),
  • Yemen (3,650),
  • Somalia (3,280),
  • Syria (3,260),
  • Afghanistan (2,660),
  • Sri Lanka (1,760),
  • Iraq (1,230),
  • Palestine (770) le
  • ram dangdang pawl an si hna.

Ralzaam dihlak chungah cheuthum-cheuhnih leng (68%) cu pa an si. Nu cu 32% lawng an si.

Kum 18 tang ngakchia 46,370 an um.

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -