Malaysia: Tuni April 11 ah Covid-19 zawtnak ngeimi minung 184 an hmuh chap hna i, ram pumpi ah Covid-19 zawtnak ngei dihlak minung 4,530 an si cang.
April 11 ah mizaw 3 an thi chap i, ram pumpi ah Covid-19 zawtnak in a thimi minung 73 an si cang. Atu lio hi mizaw zual zohkhenhnak khan (ICU) ah mizaw 72 an um.
Malaysia Ngandamnak Vuanci Zung director-general Datuk Dr Noor Hisham Abdullah nih “March 18 in atu tiang lengchuah kan phihmi thawngin zawtnak hi a karh ding tluk in a karh lo,” tiah tuni ah a chim.
MCO hi san a tlai tuk ti a chim duhnak a si.
April 11 ah Covid-19 zawtnak in a dammi minung 165 an si i, sizung in an ttin cang. Malaysia ram pumpi ah Covid-19 zawtnak in a dammi dihlak minung 1,995 an si ve.
- Advertisement -
