15.3 C
Hakha
Thursday, April 22, 2021
- Advertisement -

Ṭial Tharmi

Malaysia cozah lengchuah phihmi zul loin sui a cotu Myanmar pa an tlaih

Coronavirus zawtnak karh hlah seh tiin cozah nih lengchuah a phihmi zul loin sui a cotu Myanmar pa le a ṭuanhawi 4, le an boss pa cu palek nih an tlaih hna.

Pahang state i Raub peng palek bawizik Azural Mohamed nih, “kan tlaihmi 6 cu kum 20 in 56 kar an si. April 16 ahkhan Batu Talam khua leng tupi chungah sui an cawh lio kan hmuh hna caah kan tlaih hna,” tiah a chim.

“Bia kan hal hna i aruang fek an chim khawh lo caah lengchuah phihmi (MCO) an buar i kan tlaih hna hi si.

“Myanmar pa cu MCO a buar pinah, Malaysia ah phungning tein umnak catlap zong a ngeih lo caah mah case cun kan tlaih chih.

“An boss pa zong, work permit ngei lo ramdangmi rian na pek ti case in kan tlaih ve.

“An 6 ning in sakhan ah kan hren hna lio asi. April 20 tiang an konglam hlat hnu ah tazacuai an si te lai,” ati.

Malaysia cozah nih March 18 in April 28 tiang lengchuah a phih caah hohmanh rianṭuan khawh asi lo.

Rawl le sii dawr dah ti lo adang paoh an khar dih hna. Rawl le sii cawk, le sibaw sin i piah ruah lawngah lengchuah khawh asi.

A herh lo ah leng a chuakmi paoh cu palek le ralkap nih tlaih thluahmah an si. Rampumpi palek dihlak le ralkap 50,000 leng, Sipin le Rela dihlak nih khua chungah nawl ngai lomi an kawl hna. Khua dang le state dang kalnak lam an phih.

- Advertisement -

Ṭial Tharmi

US Chin pa Za Uk Lian nih minung 1 a kah thah, 1 hliam

US ram, Pennsylvania state um Za Uk Lian nih Nithumni zingka dei hlan ah meithal in minung 1 a kah thah hnu ah amah...

CNF Sakhan umnak Thantlang peng khuate 6 cu ralkap nih lengchuah an khap hna

Chin Miphun Ralkap (CNF) headquarters Victoria Sakhan kalnak lam ah a ummi khuate 6 cu April 21 thokin uknak firtu Myanmar ralkap nih khuapi...

President Biden: US ah COVID-19 raikhamsi 200 million kan chunh cang hna

US President Joe Biden nih, "President ka ṭuan ni 100 chungah COVID-19 raikhamsi 200 million kan chunh hna lai ka rak timi cu kan...
- Advertisement -

Dr Sasa nih ASEAN sinah hitin ca a kuat

Caankarlak cozah NUG biachimtu le Ramdang he Rianṭuanṭinak Vuanci Dr. Sasa nih ASEAN sinah ca a kuat. April 24 ah ASEAN nih Myanmar kong Lakhruak...

ASEAN ram pawl nih Min Aung Hlaing meeting an sawmmi hi an let awk a si – HRW

A ra laimi Zarhteni (April 24) ah ASEAN ram pawl nih Indonesia ram ah Myanmar ram kong ceih dingin meeting tuah an tim i...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -