21.3 C
Hakha
Thursday, April 15, 2021
- Advertisement -

Ṭial Tharmi

Malaysia Cozah nih UNHCR a Hlathlai Lai

Malaysia ah UNHCR nih ralzaam card a pekmi hna hi cozah nih kan hlathlai lai, tiah Ramchung Vuanci Pu Datuk Seri Hamzah Zainudin nih a chim.

“Ramchung Vuanci Zung nawlpeknak tel loin UNHCR nih ralzaam pawl card a pekmi hna hi cozah nih hlathlainak nan tuah lai maw?,” tiah MP Pu Datuk Seri Shahidan Kassim (BN party) nih a hal i atu bantukin a leh hi si.

Pu Shahidan Kassim nih, “lahwahkah thong (camp) lawngah UNHCR nih ralzaam pawl card a pek hna ding si, nain amah nawl in card a pek peng hna,” tiah bia a hal pah in a chim.

Pu Hamzah Zainudin nih, “UNHCR card ngei an karh chin lengmangmi hi ka lungfiang kho bak lo, mah nih hin kan ram ah piahtana a karhter,” tiah a leh.

“Na chim bang, UNHCR hi zumh a um pah lo i Malaysia cozah he lungtlinnak kan ngeihmi an buar ahcun action kan lak awk bak asi.”

“Mah kong hi cu, Ramdang Vuanci Zung nih action la seh, cun kan ram ah UNHCR a ummi hi hlathlainak kan tuah lai.”

“Ralzaam zong cu minung an si ve i kan bawmh hna awk asi ko, nain kan cohlan khawhmi card an ngeih a herh,” ati.

Chin ralzaam a kan bawm lengmangmi MP Pi Maria Chin Abdullah nih, “UNHCR kong kan hlathlai lai na timi cu zeitik dah nan hlathlai lai?,” tiah a hal.

“UNHCR kong hi cu Ramdang Vuanci Zung he kan ceih lai,” tiah a leh.

“Mah piahtana hi tuanpi khan rak phisin cang ding asi, UNHCR card ngei ralzaam an karh awk si bak lomi an karh chin lengmang i kan ram ah piahtana a chuahter,” tiah a peh.

UNHCR nih a langhter ning ah, 2020 June thla dongh tiangah card/catlap ngei ralzaam 177,940 an um.

Malaysia cu Kum 1951 Ralzaam Upadi le 1967 Ralzaam Upadi ah lungtlinnak min a thu lomi si caah ralzaam kongah ṭuanvo a ngei lomi (aa sai lomi) si. Phun dangin chim ahcun, Malaysia ram ah ralzaam um khawh asi lo.

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -