21.3 C
Hakha
Thursday, April 15, 2021
- Advertisement -

Ṭial Tharmi

Malaysia in Myanmar ram ah phungninglo in a tlungmi Kawlrammi tlaih an tong

Covid-19 ruangah khualtlawng phih lio caan ah Malaysia phan Kawlrammi cheukhat cu phungninglo in ramri tan in Myanmar ram luh an timh lio ah Kawthaung khua ah tlaih an tong.

Malaysia ram ah phungninglo in a ummi Kawlrammi cheukhat cu Myanmar Tanzung bawmhnak in Myanmar ram tlun an i tim ko nain tlamtlin lonak tete um ruangah tanglam in Myanmar ram ah an tlung hna.

Phungninglo in Myanmar ram a tlungmi hna lakah minung 18 cu naite ah Kawthaung khua an an tlaih hna tiah Kawthaung khua Fimcawn Tthanchonak Foudation rianttuan U Moe Way nih a chim.

Malaysia in Thailand ah an lut i Mon state ah a kal ding an si.

Myanmar cozah nih Malaysia ram ah harsatnak a tongmi a rammi phungning he phungninglo he lak a timh cuahmah hna lio a si.

Malaysia cozah sinah nawl a hal lio a si nain atu tiang a fian bal lo caah Kawlrammi cheukhat cu puaisa tawlrelnak in tanglam in a tlungmi an um len.

Malaysia ram ah Covid-19 ruangah harsat le lungdongh in amah le mah aa thatmi Kawlrammi 11 an si cang.

“Kap 2 cozah i ceihhmainak lawngin a za lo. Myanmar ram ah khumherhnak hmun (quarantine center) an i zat ding silo ti ahcun ramtang le bawlung certual zong a tampi ko cuta.

“Myanmar cozah lawng nih a tawlrel khawh ding si ko. Malaysia Myanmar tanzung ah tlung dingin cazin a pemi 8,000 leng an si cang. Atu cu an thih zong ah thi ko hna seh, an nun ah va nung ko hna seh tiphun a lo.

“Rian an ttuan lonak a thla si cang. Atu tiang pakhat hmanh zong lak an si rih lo. Bawmh an halmi te hi cu tuahpiak hna awk a si. Amah le mah aa thatmi zong an tlawm ti lo. Hinak zongah an tam chin kho, thinphang dai lo a si,” tiah U Moe Way nih a chim.

Atu tlaih tongmi minung 18 cu Kawthaung khua i khumherhnak hmun ah rikhiahmi zat tiang an um lai i an dam ko ahcun an umnak khua cio ah kuat an si lai.

Nain, anmah a phortu motor mong pawl tu cu an dam ko ahcun upadi ningin dantat an si lai. – VOA

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -