Kuala Lumpur — Tuni, Kum Thar ni ah Pathian thangṭhat dingin pumh aa thawhmi Chin chungkhar pakhat cu bus stop in motor an hngah lio 8am hrawngah motor nih a rung pah hna.
Serdang Hospital i emergency room ah an tlikpi colh hna nain nufa 3 cu chanh khawh loin an nunnak liam.
A nunnak liammi cu;
- hringtu nu Pi Cing Sian Huai
- an fapa Thang Sian Sang (kum 4) le
- an fapa Pau Khan Lian (kum 2) an si.
Hringtu pa Pu Khen Sin cu atu hi sizung ah an thlop lio asi rih.
Balakong sang in Sentul um St. Joseph Church ah pumh aa thawhmi an si.
Ruak vuinak kong cu Malaysia um Zomi community nih an khan lio asi.
Chungkhar hna hi Chin state Tedim peng i Dimlo khua in Malaysia a rami an si.