28.3 C
Hakha
Friday, May 7, 2021
- Advertisement -

Ṭial Tharmi

Malaysia nih COVID-19 Zulhphung Buartu Minung 164 Dantat

COVID-19 zulhphung (RMCO) a buarmi minung 164 cu tangka dan kan tat hna, adang 16 cu an kong ceih dingin kan hren hna lio asi, tiah Malaysia Ralkap Vuanci Datuk Seri Ismail Sabri Yaakob nih a chim.

Malaysia um Chinmi chimh a ngai lomi kan tam ngai. Bawlung le chinlung chuih, volleyball bengh, tbk. lentecelh hna cozah nih a onh rih lomi si nain kan tuah peng. A kan hmuh ahcun apoi taktak lai. Cun, khuazei kal paoh ah mask (hmai huh) i hruk peng ding asi. Riantuan lio zongah nan i hruk lai.

Khat le khat naih tein um lo ding kan timi zul loin lentecelhnak le puai a tuahmi pawl, a bubu in ummi pawl le mask aa hruk lomi pawl an si hna, ati.

Ningani ah palek nih supermarket, restaurant le banks 57,066 an check i COVID-19 zulhphung a buarmi mah zat an hmuh hna hi si.

Atu lio hi Malaysia rampumpi ah COVID-19 zulhphung zohfeltu phu 2,301 an um. Phu 2,301 ahcun palek, rela, ngandamnak zung rianṭuan tbk. minung 11,705 an um.

Mah pawl nih cun rampumpi ah dawr, restaurant, supermarket, bank, tbk. pawl pakhat hnu pakhat an zohfel peng hna i mask aa hruk lomi le a bubu in ummi pawl an tlaih thluahmah hna.

Ningani ahkhan rampumpi ah palek nih lam 61 an kham/block i mawtaw 31,184 an check. Mask aa hruk lomi an um maw ti an check.

Mah lio cun phungninglo ramdangmi 3 an tlaih hna.

July 24 hnu in atutiang ah ramdang in a rung kirmi Malaysia rammi 7,364 zong cozah nih quarantine a tuah hna.

Kuala Lumpur, Selangor, Negri Sembilan, Penang, Johor, Sarawak, Kelantan, Perak, Perlis le Kedan um hotel 30 le cozah tinṭan kainak inn pawl ah quarantine an tuah hna.

Singapore, Thailand, Indonesia, Japan, Bangladesh, Spain, France le Australia telh in ram 30 in a rung kirmi an si.

A rung kirmi 20 cu COVID-19 an ngeih caah thlop dingin sizung ah an kuat hna. — The Star

- Advertisement -

Ṭial Tharmi

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...
- Advertisement -

CDF nih CDM tuah lomi sianginn saya/ma pawl ralrin a pek hna

Chinram Runvennak Ralkap (Chinland Defense Force - CDF) nih CDM a tuah lomi le sianginn kai dingin forhfialtu saya/ma pawl cu fak piin ralrin...

Thawngṭha: US President Biden nih 2021 ah refugee 62,500 a lak hna lai

US President Joe Biden nih, "2021 Budget Kum chungah US nih ralzaam 62,500 kan lak hna lai," tiah May 3 ah bia a chah. President...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -