Kuala Lumpur chung hmun kenkip ah tlaihkhihnak (operasi) ngan taktak an tuah i phungninglo ramdangmi 106 an tlaih hna.
KL palek bawi Ahmad nih, “tlaihkhihnak kan tuahnak hmun pawl cu Chow Kit, Bandar Tasik Selatan LRT station, Segambut Pusat, Jalan Ipoh, Pasar Seni, tbk., pawl ah si,” tiah a chim.
“Palek le lahwahkah rianttuan 184 nih tlaihkhihnak cu kan tuah.
“Ramdangmi 208 kan check hna hnu ah phungninglo 106 kan tlaih hna.
“Kan tlaihmi hna cu Myanmar rammi 43, Bangladesh (32), India (12), Indonesia (nine), Nepal (5), Nigeria (2), Sri Lanka (2) le Pakistan (a) an si.
“Kan tlaihmi hna hi phungninglo in Malaysia a lutmi deuh lawngte an si. Lahwahkah Upadi 1959/63 Dal 6(1)(c) an buar caah kan tlaih hna.
“Kan tlaihmi vialte cu Jinjang Palek Sakhan, Dang Wangi le Cheras Palek Sakhan ah kan hren hna.
“Ramdangmi pawl kan ram ah a runrun in an luh pengmi nih kan ram chungah sualnak a karhter tuk caah atu le tu tlaihkhihnak kan tuah peng lai.
“Phungninglo ramdangmi an um ti nan lunghrinh paoh ahcun palek phone number 03-2146 9999 ah kan chawn ulaw tlaihkhihnak (operasi) kan tuah colh lai,” tiah palek bawi nih a chimchap.
