20.2 C
Hakha
Sunday, May 9, 2021
- Advertisement -

Ṭial Tharmi

Malaysia nih Kawlrammi 58 telhin ramdangmi 238 a tlaih hna

Nikhatni ahkhan Malaysia Immigration Department (lahwahkah) le Road Transport Department (lam zung) rianttuan nih ni 3 chung phungninglo ramdangmi tlaihkhihnak an tuah i Kawlrammi 58 telhin ramdangmi 238 an tlaih hna.

Malaysia lahwahkah bawizik Datuk Khairul Dzaimee Daud nih “ramdangmi kan tlaihmi pawl cu Myanmar (minung 58), Indonesia (56), Bangladesh (54), Pakistan (23), Philippines (21) le ramdangmi (26) hna an si” tiah nizaan ah a chim.

“Tlaihkhihnak kan tuah lio ahhin ramdangmi 5,285 kan check hna. Cu chungah passport thih hnu tiang a ummi le phungningloin a ummi ramdangmi 238 nih Lahwahkah Upadi an buar.”

“Kan ram chungah chawlehnak motor a mongmi ramdangmi hi a hlei in kan ngiat hna. Kan ram chungah a ummi ramdangmi pawl hi phungning tein a ummi an si/lo fehternak caah kan lunghrinhnak hmun pawl ah lam zong kan block.”

“Ramdangmi nih chawlehnak motor an mongh tiin report kan ton caah December 3 le 4 ahkhan Cameron Highlands ah tlaihkhihnak kan tuah,” tiah Khairul nih a chim.

“Tlaihkhihnak kan tuah lio ah ramdangmi telhin minung 380 nih upadi an buar. Cu chungah, minung 189 cu motor monghnak license an ngei lo. Minung 47 cu Goods Driving Licence (GDL) loin motor an mong. Minung 72 cu motor insurance lo le license nithla a thih buin motor an mong” tiah RTD bawizik Datuk Seri Shaharuddin Khalid nih a chim.

Ni 3 chung tlaihkhihnak an tuah ahhin Department 2 in officer 1,600 an i tel i ram pumpi hmun 72 ah tlaihkhihnak an tuah.

“Malaysia ram chungah nan rianttuan pawl nih zeibantuk motor hmanh monghnak nawl an ngei lo. Rak i ralring cang uh” tiah Shaharuddin nih Malaysia rian ngeitu boss te ralrin a pek hna. – NST

- Advertisement -

Ṭial Tharmi

Chinmi lakah ‘Stanford University’ a kai kho hmasa cemmi Biak Tha Hlawn – Lawmhpi cio hna usih

Biak Tha Hlawn cu Chinmi hohmanh nih an kai khawh bal lomi vawlei cung university ṭha bik 2nak a simi Stanford University nih a...

CDF-Hakha nih Surkhua Palik Sakhan an lak, hriamnam zong an lak

Chinram Vengtu Ralkap (CDF) Hakha nih May 8 chun 11:30am hrawngah Surkhua palik sakhan an lak i hriamnam zong an lak. Sakhan cu an...

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...
- Advertisement -

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -