Malaysia Lahwahkah nih Zarhpini (December 22) ah Penang state um Mertajam khua ah phungninglo ramdangmi tlaihkhihnak a tuah i cheukhat cu bizu phen ah an i thup, ihkhun tang, thlalangawng lenglei le ceiling cung ah aa thupmi zong an um.
Penang state Lahwahkah Bawi Muhamad Husni Mahmud nih, “10pm in inn khat hnu inn 1 kan luhhnawh i ramdangmi 161 kan check hna,” tiah a chim.
“Minung 29, thla 2 in kum 45 kar cu khualtlawnnak catlap dik an ngeih lo ruangah kan tlaih hna.
“Hi hmun 2 ahhin ramdangmi an karh tuk tiah mipi nih thawng a kan thanh caah tlaihkhihnak kan tuahmi asi. Liamcia caan zongah voi tampi tlaihkhihnak kan tuah cang nain an rim rua lo.
“Tlaihmi 29 cu pa 16 le nu 13 an si. Indonesia, India, Pakistan, Myanmar, Nepal le Bangladesh rammi an si.
“Ramdangmi tam deuh cu sehzung le dawr hngah rian an ṭuan i thla 1 ah hlawh RM1,200 in RM2,000 kar an ngah,” tiah a chim.
