20.2 C
Hakha
Sunday, May 9, 2021
- Advertisement -

Ṭial Tharmi

Malaysia nih Rohingya pa thong a thlak

Rohingya pa pakhat cu Malaysia biaceih zung nih tangka dantatmi a liam khawh lo ruangah thong a thlak.

Kum 36 Rohingya pa cu phungninglo minung a kilven tiin biaceih zung nih tangka RM60,000 liam seh, a liam khawh lo ahcun thongthlak siseh a ti.

Rohingya pa cu a min ah Ramzan Ali Faizal Ahmad a si i RM60,000 a liam khawh lo ruangah Alor Setar biaceihzung nih September 8 ah Penjara Pokok Sena thonginn ah a kuat.

Ramzan Ali Faizal Ahmad nih ni kum November 5 ahkhan motor in Myanmar rammi 3 a phurh hna i North-South Highway in Bukit Kayu Hitam lei an kal lio ah palek nih an tlaih hna.

Myanmar rammi 3 cu catlap tlaihmi zeihmanh a ngei lomi phungninglo in a ummi an si.

Malaysia lahwahkah nih Ramzan Ali cu phungninglo minung na ven tiin lahwahkah upadi in nikum ahkhan taza a cuaimi a si.

Tuan deuh ah biaceih bawi Juraidah Abbas nih phungninglo minung 1 caah RM20,000 liam seh, a liam khawhlo ahcun thla 4 thongthlak siseh a ti.

Minung 3 ca ahcun RM60,000 liam ding a si. Tangka liam awk a ngeih lo caah thla 4 thongtla dingin minung 3 ca cu thla 12 (kum 1) thong a tla lai tinak a si. Thongdan cu an rak tlaih ni in relpiak a si lai.

Ramzan Ali cu arsa zuar rian a ttuan i UNHCR card aa tlaihmi a si.

- Advertisement -

Ṭial Tharmi

Chinmi lakah ‘Stanford University’ a kai kho hmasa cemmi Biak Tha Hlawn – Lawmhpi cio hna usih

Biak Tha Hlawn cu Chinmi hohmanh nih an kai khawh bal lomi vawlei cung university ṭha bik 2nak a simi Stanford University nih a...

CDF-Hakha nih Surkhua Palik Sakhan an lak, hriamnam zong an lak

Chinram Vengtu Ralkap (CDF) Hakha nih May 8 chun 11:30am hrawngah Surkhua palik sakhan an lak i hriamnam zong an lak. Sakhan cu an...

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...
- Advertisement -

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -