27.6 C
Hakha
Thursday, April 22, 2021
- Advertisement -

Ṭial Tharmi

Malaysia pa nih a duh tukmi nurse nu a thah i a ruak sualpi a timh

Singapore — Kum 51 Malaysia pa Boh Soon Ho nih, a duh tukmi nurse nu cu thi lak in a hngawng dih hnu ah a ruak sualpi a timh.

“A taklawng in ka hmu bal lo sikaw, a thi ko cang i a thil phoih ning, ka ti,” tiah amah bak nih September 18, 2019 ahkhan Singapore High Court ah a chim.

Rawldawr ah rian a ttuanmi pa cu, kum 2016 March 21 chun 12pm in zaanlei 6pm kar ah amah ihnak khaan chungah China rammi Zhang Huaxiang cu towel in a hngawng dih i a thah, tiah biaceihzung ah tazacuai asi. “A sual ko” tiin biaceihzung nih bia a khiah cun nunchung thongthlak asiloah thah ve aa huah kho.

Tazacuaitu cozah sihni Wong Kok Weng nih, “hihi nahchuahnak, ingpuannak le mahlei lawng duhnak nih a chuahpi mi lainawnnak asi,” tiah biaceihzung ah a chim.

An i kiss bal lo nain dawr ah thil an caw tti i rawl zong an ei tti lengmang caah Malaysia pa nih cun China nu cu a nungak bantukin ai ruah. Laksawng zong a cawkpiak lengmang.

Singapore ram ah nurse a kai liomi China nu cu 2011 hrawng khan Singapore um Marina Bay Sands nuamhnak hmun i rawldawr ah part time rian a rak ttuan, mah lio cun rawldawr ah rian a ttuanmi Malaysia pa he an rak i theih hi si. Degree a ngah hnu ah National University Hospital ah a ttuan.

A thah hlan March 18 ah, Malaysia pa nih China nu cu a inn in a chuah i mipa he taxi in a kal lio a hmuh. A nahchuak tuk i ‘aa ka rawi’ tiin a ruah.

Mah ruang cun March 21 ah ‘ka inn ah steamboat chuncaw kan ei lai’ tiin a sawm.

A ihnak khaan ah a sam aa hriah lio a hmuh i sualpi a timh, nain China nu nih a duh lo i “mi molh, kal!” tiah Mandarin (Chinese holh) in a ti.

Minutes 10 hnu ah, Malaysia pa nih sualpi a timh tthan. A hngawng in a kuh i ihnak khaan ah a dawh, nain minu cu aa chang chih.

“Na kal ttimi pa kha ho si?” tiah a hal i “mahpa he voi 5 hrawng kan leng tti cang” tiah a leh.

“China um ka tlangval pa tthing asi, kan i chawn lengmang i kan leng tti lengmang ko” ati.

Mah bia a theih cangka in Malaysia pa cu a thinhung tuk.

Ti kholhnak towel aa lak, minu hngawng a ngerh i minutes 2 chung hrawng a dawh hnu ah ‘a thi rua’ tiin a ngol.

China nu a hmai zong a nah dihmi cu a hmuh. A ruak cu a cawi i ihnak khaan ah a luhpi.

Sualpi a duh tuk nain a rak sualpi khawh lo caah a ruak cu thil a phoih i sualpi a timh, nain a sualpi thiam lo.

Cucaah ruak cu a bawngbi chungnawh a hruk tthan, ruak cu puan a khuh i an 2 thil cu thil suknak seh in a suk.

Malaysia pa cu Singapore in zaam dingin thil aa tim, China nu phone le tangka cu a chiahta.

A rianttuannak supervisor sinah “Malaysia ah thla 1 chung ka tlung ta lai” tiin sms a kuat. Inn a hlanmi a ngeitu pa cu phone a chawnh i “ka tlung lai, ni tlawmpal ah innkhan cu ka lawnter lai” ati.

Nain, Geylang ah a kal i suitcase a cawk hnu ah inn ah a kir tthan.

Suitcase chungah ruak cu rawn in Sembawang ah hlonh a timh nain suitcase ah ruak aa tlum lo.

Mah zaan cu ruak pawngah a it.

A thaizing zingka March 22 ah, ruak cu thil a hruk. Puan a khuh i ‘rest in peace’ ati.

Ruak cu a cal ah a kiss i Malaysia ah a kir nain Singapore i inn a hlanmi ngeitu pa nih China nu ruak cu a hmuh caah palek a chawnh hna.

Malaysia pa nih inn ngeitu pa cu a thaizing zingka ah phone a chawnh. Zhang cu keimah nih a hngawng ka dihmi si, atu hi Kuala Lumpur ah ka um, tiah a chimh.

2016 April 4 ah Malaysia palek nih lainawngpa cu an tlaih i a thaizing ah Singapore palek sinah an kuat. Atu hi biaceihzung ah a kong an ceih cuahmah liopi asi. — The Star

- Advertisement -

Ṭial Tharmi

CNF Sakhan umnak Thantlang peng khuate 6 cu ralkap nih lengchuah an khap hna

Chin Miphun Ralkap (CNF) headquarters Victoria Sakhan kalnak lam ah a ummi khuate 6 cu April 21 thokin uknak firtu Myanmar ralkap nih khuapi...

President Biden: US ah COVID-19 raikhamsi 200 million kan chunh cang hna

US President Joe Biden nih, "President ka ṭuan ni 100 chungah COVID-19 raikhamsi 200 million kan chunh hna lai ka rak timi cu kan...

Dr Sasa nih ASEAN sinah hitin ca a kuat

Caankarlak cozah NUG biachimtu le Ramdang he Rianṭuanṭinak Vuanci Dr. Sasa nih ASEAN sinah ca a kuat. April 24 ah ASEAN nih Myanmar kong Lakhruak...
- Advertisement -

ASEAN ram pawl nih Min Aung Hlaing meeting an sawmmi hi an let awk a si – HRW

A ra laimi Zarhteni (April 24) ah ASEAN ram pawl nih Indonesia ram ah Myanmar ram kong ceih dingin meeting tuah an tim i...

Falam pengah Chin ralkap ‘CNDF’ an dirhmi hi mipi caah a tha maw?

Falam peng, Kalay-Kabaw le ramkip um Chin miphun nih kan ceih hnu April 13 ah Chin Miphun Runvennak Ralkap (Chin National Defence Force -...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -