Malaysia palek nih November 10, 2019 i Gombak khua, Sri Batu Caves Park ah a cangmi lainawn konghe pehtlai in Kawlrammi pa 3 tlaih dingin an kawl hna lio a si.
Selangor state palek bawi chang Fadzil Ahmat nih “Kum 34 Myanmar pa cu a zumharmi hriamnam in an thah” tiah a chim.
Thilsining an hlat tikah Myanmar pa 3 hi an lunghrinh hna.
“Mithat lunghrinhmi 3 lak ah pakhat nih Kawlram um a chungkhar tangka kuat a timhmi kha a hlen caah an thah hi a si,” tiah Fadzil nih a chim.
Malaysia palek nih tlaih dingin a kawl liomi hna cu Aung Jii, Au San Lang @ Niu Shen le San Chii an si. An dihlak in kum 30 hrawng an si hna.
Hmanthlak tarmi lakah kehlei khi Au San Lang @ Niu Shen a si i orhlei kam khi Aung Ji a si.
- Advertisement -
