Kuala Lumpur — Palek bawi Datuk Sani nih, “Nilai, Negri Sembilan, Alor Setar le Kedah state ah phungninglo kuak RM5 million man dengmang kan tlaih,” tiah media sinah a chim.
“Phungninglo kuak an luhpi ti thawngpang kan theih caah September 24 ahkhan Nilai ah inn luhhnawh tlaihkhihnak kan tuah.
“Myanmar rammi kum 44 pa le Malaysia pa kum 30 kan tlaih hna.
“Tazeih deu cumhmi kuak deu pha 24,000 kan chuh hna.
“Kan tlaihmi dihlak hi a man in tuak ahcun a tlawmbik RM4.254 million leng asi.
“Phungninglo kuak phiartu Myanmar pa le Malaysia pa cu Nilai palek headquarters ah ni 5 chung kan hren hna hnu ah tazacuai an si te lai.
“Lorong Haji Ismail, Jalan Dato Kumbar, Alor Setar ti bantuk hna zong ah tlaihkhihnak kan tuah.
“Thil phorhnak mawṭaw lorry kan check i phungninglo kuak fung 628,000 kan hmuh. Mawṭaw le kuak cu RM669,440 man an si.
“Lorry mongtu le kuak cu tlamtling deuh in check dingin Customs Department ah kan ap hna,” tiah a chim.
