20.3 C
Hakha
Sunday, April 18, 2021
- Advertisement -

Ṭial Tharmi

Malaysia PM: Covid-19 Pulrai Kan Kham Khawh caah Kaa Lawm Tuk

Malaysia ram hruaitu Prime Minister Pu Muhyiddin Yassin nih, “nizaan tihni Nithumni kha avoi 1nak bik ni 1 chungah Covid-19 mizaw 1 lawng kan hmuh asi,” tiah a chim.

“Mah hmanh cu ramdang in a rung kirmi, ramdang ah zawtnak aa kumi si. Kan ram chungah ramdangmi zong rammi zong mizaw thar pakhat hmanh an um lo.”

“Atutiang fak piin rian a ṭuan pengmi Covid-19 hmaisuang dotu pawl nanmah thawngin asi. Kan lawmhpi tuk hna, nan cungah ka lawm tuk fawn.”

“Malaysia rammi zong nih Covid-19 zulhphung nan zulh caah ka lawm tuk. Zawtnak a zor thluahmahmi hi mipi nih zawtnak kong nan theih i nan i ralrin ca zongah asi ve.”

“Malaysia rammi vialte kaan lawmhpi hna.”

“Mizaw thar an um huaha ti lo caah kan i lawm tuk cio. Nain, Covid-19 i chawnh lo dingin kan i ralrinmi vialte philh le daithlang tiangin hnangam awk kan ṭha rih lo.”

“Malaysia rammi vialte ralring tein um le a herhmi i vennak vialte tuah peng rih kan hau.”

“MCO chung lebang cu Malaysia rammi vialte kan dihlak in hmaisuang dotu kan si dih. Kan chungkhar le sang an himnak dingah lengchuah le vah kan i sum hna.”

“Pathian thawngin le Malaysia rammi pumpak pakhat cio nan i ralrinnak thawngin Covid-19 cu kan tei hrimhrim lai ti ka chim ngam.”

“Nan dihlak cungah kaa lawm tuk. Malaysia rammi ka rak si hi ka lawm tuk,” tiah a chim.

Malaysia ah Covid-19 zawtnak aa thok hnu in atutiang ah mizaw 8,437 an dam cang. Mizaw dihlak dengmang (97.6%) an dam tinak si.

Nizaan, Nilini zong kha Malaysia ah mizaw thar 3 lawng an hmuh hna.

A thimi cu atutiang 121 an si peng ko. A thi tharmi an um lo.

Tuni mizaw thar kong cu a rauh hlan ah kan rak thanh lai. — The Star

- Advertisement -

Ṭial Tharmi

Tuni ah ralkap nih minung 2 meithal in an kah hna

Tuni Zarhpini ah, Mandalay ramṭhen Myingyan khua ah tlangval pakhat cu ralhrang Myanmar ralkap nih meithal in an kah caah a nunnak caah thinphan...

Sihni Salai Dawt Cung Lian inn ah gas a puak i a nunnak liam

Sihni Salai Dawt Cung Lian cu an inn ah gas a puak i a nunnak liam tiah kan theih. An nih hi Mandalay ah ralkap...

Yangon ah bomb a puak i ralkap 3 hliam tong

Nizaan ahkhan Yangon ah bomb tam ngai a puak i ralhrang Myanmar ralkap a tlawmbik 3 paoh hliam an tong, tiah The Irrawaddy media...
- Advertisement -

Bill Gates nih ‘mah 3’ a thiammi hi cu hmailei ah rian tha an hmu kho lai ati

Vawlei cung mirumbik 4nak a simi Bill Gates cu hmailei kong lawngte ah a buai khim ko. Thil thar sertu le sipuaizi thlengtu pawl he...

Apoi tuk: Min Aung Hlaing cu ASEAN Meeting a kai lai

Uknak firtu Myanmar ralkap bawizik Min Aung Hlaing cu April 24 ah tuah ding ASEAN meeting ah an sawm ve caah Indonesia a tlawng...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -