14.1 C
Hakha
Sunday, May 9, 2021
- Advertisement -

Ṭial Tharmi

Malaysia PM Pu Muhyiddin: RMCO cu December 31 Tiang kan Sauh

Malaysia ram hruaitu Prime Minister Pu Muhyiddin Yassin nih “mibu cawlcangh khapnak kan tuahmi RMCO cu December 31 tiang kan sauh lai,” tiah nizaan ah TV in rampumpi ah thawng a thanh.

“Ramdangmi nih zawtnak a kan phorhnak hnga lo tu kum dongh tiang cu kan ram ah ramdang khualtlawng kan luhter rih hna lai lo.

“Tu kum dongh tiang kan sauhnak a ruang cu nai hrawng kan ram ah mizaw thar an um pah ca zongah asi,” tiah rampumpi ah thlahmi TV3, Bernama TV, Astro Awani le RTM in a chim.

PM nih June 7 ah “August 31 tiang I Sersiam Ṭhannak caah Cawlcangh Khap (RMCO or Recovery Movement Control Order) asi lai. RMCO in mibu cawlcanghnak tampi kan khap,” tiin thawng a rak thanh hnu ah atu bantukin nizaan ah tu kum dongh tiang a sauh hi si.

“Tu kum dongh tiang RMCO kan sauh caah COVID-19 zulhphung (SOP) a zul lomi paoh cu Kum 1988 Chawnh Khawhmi Zawtnak Khamnak Upadi in dantat peng nan si lai.

“Ho paoh nih COVID-19 zulhphung zul dih usih ti kan duh caah asi. Vawlei cung ramdang pawl ah zawtnak a karh tuk rih caah Malaysia ram ah zawtnak a thian dih cikcek khawhnak ding ahcun caan a rau pah rih lai.

“Atu cu kan ram ah zawtnak hi kan control khawh cang ko nain, hmun cheukhat ah zawtnak a karh sual ahcun hmasa ah kan rak tuah tawn bangin a karhnak hmun te kha cozah nih fak deuh in lengchuah khap (EMCO or TMCO) asi lai.

“SOP a buarmi cu hohmanh ngaihthiam an si lai lo. RM10,000 tiang dantat hna dingin Ngandamnak Vuanci Zung nih Hluttaw ah a halmi zong ka lungtling. Nain, Hluttaw nih upadi remh hmasa a hau lai.

“Hmai huh (face mask) man zong ṭhumh deuh dingin Ramchung Chawlehnak Vuanci Zung nih sehzung le company pawl a ton hna lio asi. A tlamtlin ahcun hmai huh man zong tampi a ṭum lai i mipi nih man fawi tein cawk khawh asi lai.

“Nightclub le nuamhnak dawr pawl ahcun COVID-19 zulhphung (SOP) zulh a har tuk caah onnak nawl kan pe hna lo. A dang dawr le company paoh cu onnak nawl kan pek dih cang hna.

“Atu kan sauhmi RMCO chung ahcun lentecelh (sports) vialte tuahnak nawl kan in onh dih cang hna, nain puai zohtu mipi tel loin nan tuah lai” ati.

Lengchuah paoh ah hmai huh (face mask) i hruk peng ding asi lai.

- Advertisement -

Ṭial Tharmi

CDF-Hakha nih Surkhua Palik Sakhan an lak, hriamnam zong an lak

Chinram Vengtu Ralkap (CDF) Hakha nih May 8 chun 11:30am hrawngah Surkhua palik sakhan an lak i hriamnam zong an lak. Sakhan cu an...

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...
- Advertisement -

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...

CDF nih CDM tuah lomi sianginn saya/ma pawl ralrin a pek hna

Chinram Runvennak Ralkap (Chinland Defense Force - CDF) nih CDM a tuah lomi le sianginn kai dingin forhfialtu saya/ma pawl cu fak piin ralrin...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -