21.3 C
Hakha
Thursday, April 15, 2021
- Advertisement -

Ṭial Tharmi

Matupi pengah cachimtu 1,800 an auh i a soktu 2,000 leng an si

Chin state Matupi peng sianginn pawl ah cachimtu an i zat lo caah zaanghleicawi in caankarlak cachimtu ding 1,800 an auh i a soktu 2,000 leng an si cang, tiah Chin state Fimcawnnak Vuanci Pu Pau Lun Min Thang (ZCD) sin in kan theih.

“Zaanghleicawi (volunteer/loh-aa-pe) cachimtu saya/ma 1,800 an auh timi cu biadik asi ko, a soktu zong 2,000 leng an si cang. Cozah nih cachimtu a kan pek khawh hlan rianrang in phisin kan duh caah si,” tiah a chim.

“Zaanghleicawi cachimh rian a sokmi pawl cu luhnak kan phitter hna lai i a aungmi lawng kan luh hna lai. Ca a thiam bak lomi pawl cu luh awk an ṭhat lo caah a thiammi pawl tu hlawh pek in kan luh hna lai, kan ti.

“Fimcawnnak Vuanci Zung zong nih atu lawlawse cu saya/ma a kan pek khawh rih lo caah mah hi caankarlak ah hman khawh dingin kan tuahmi si,” tiah State Fimcawnnak Vuanci Pu Pau Lun Min Thang nih a chim.

“Atu bantukin Matupi peng sianginn tampi ah cachimtu kan i zat lomi kong cu Hlutdaw ah kan chim i Rampumpi Cozah nih a kan tawlrel piak lio asi,” ati.

Matupi peng in Chin state MP Salai Aung Lian (CNDP) nih, “kanmah Matupi peng sianginn ah cachimtu rian 300 leng a lawng. Mah cachimtu tlamtling in an um lonak sianginn pawl cu khar hau dirhmun tiang an phak cang caah keimah le Pu Pathang nih cachimtu lak dingin kan hal hna,” tiah a chim.

“Hakha Education College zong nih kum 1 ah cachimtu 50 hrawng lawng a chuahter khawh hna lai. Chin state ah vuanṭhan rian a lawngmi 4,000 dengmang a um. Mah ruang cun usape in rian ngei lo Tanghra awng le degree ngah pawl caah kan halmi si,” ati.

Chin state sianginn tampi ah cachimtu an i za hna lo. Tu kum chungah Paletwa peng ah cachimtu an i zat lomi phih dingin zaanghleicawi cachimtu 350 an lak cang hna.

Charhchan: Chin World

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -