15.3 C
Hakha
Thursday, April 22, 2021
- Advertisement -

Ṭial Tharmi

Mexico President nih “Trump nih Mexico Rammi Cungah a Lungput a Thlen Dih Cang” a Ti

Mexico President Andres Manuel Lopez Obrador nih, “President Trump nih Mexico rammi cungah a lungput a thlen dih cang,” tiin nizaan ah a chim.

Trump nih Mexico pawl cu tlaihhrem hmang, ritsi phur, tbk., in a phunphun in a ti hna. Mexico pawl US lut kho lo dingin ramri ah vampang ka sak lai i a dihmi tangka zong Mexico cozah ka liamter lai, a rak ti caah Mexico rammi pawl nih an huat tuk.

Nizaan tihni ah President Trump nih Mexico president cu White House ah avoi 1nak bik an i tonh, mah hnu ah atu bantukin Mexico president nih Trump a thangṭhat hi si.

“Trump cu Mexico ram le kan mipi cungah dawtnak a ngei i a kan upat,” tiin President Lopez Obrador nih a chim.

“Liamcia caan ahcun Trump nih Mexico a kan hmuh ning phun dangpi asi, nain atu cu aa dang tuk cang.”

“Kan cungah a lungput a thlen dih cikcek cang. Trump he kan i pehtlaih ning a ṭha tuk. Hawikom bantukin a kan chawnhbiak cang, theih bal lomi mising bantukin a kan chawnbia ti lo,” ati.

Pu Lopez Obrador cu 2018 in Mexico President a ṭuanmi si.

President Lopez Obrador nih Trump a thangṭhat mi cu US Democrats pawl an thinlin chiahru. “Trump nih Mexico president a tonmi hi a ra laimi November 3 thimnak ah Mexican American pawl nih ka vote hna seh tiin a leemmi si” an ti.

An i ton khawh cangka in Trump Vote Kawlnak Phu aa timi Twitter account nih, Mexico president nih Trump a thangṭhat lio cu ‘Trump cu Hispanic pawl caah hawikom ṭha asi’ ti phun in a tar colh.

Sinain, Trump soiseltu tampi nih cun ‘Trump nih thimnak dih tiang Mexico cungah bia ṭha a chim hlei lo’ tiin an zumh lonak an chim ve.

Mexico tadinca El Financiero nih June 26-27 tiang hlathlainak a tuah i Mexico rammi tam ddeuh 70% nih Trump cu mi ṭha loin an hmuh i 59% nih cun kan president nih Trump a ton awk si ko an ti. — Reuters

- Advertisement -

Ṭial Tharmi

US Chin pa Za Uk Lian nih minung 1 a kah thah, 1 hliam

US ram, Pennsylvania state um Za Uk Lian nih Nithumni zingka dei hlan ah meithal in minung 1 a kah thah hnu ah amah...

CNF Sakhan umnak Thantlang peng khuate 6 cu ralkap nih lengchuah an khap hna

Chin Miphun Ralkap (CNF) headquarters Victoria Sakhan kalnak lam ah a ummi khuate 6 cu April 21 thokin uknak firtu Myanmar ralkap nih khuapi...

President Biden: US ah COVID-19 raikhamsi 200 million kan chunh cang hna

US President Joe Biden nih, "President ka ṭuan ni 100 chungah COVID-19 raikhamsi 200 million kan chunh hna lai ka rak timi cu kan...
- Advertisement -

Dr Sasa nih ASEAN sinah hitin ca a kuat

Caankarlak cozah NUG biachimtu le Ramdang he Rianṭuanṭinak Vuanci Dr. Sasa nih ASEAN sinah ca a kuat. April 24 ah ASEAN nih Myanmar kong Lakhruak...

ASEAN ram pawl nih Min Aung Hlaing meeting an sawmmi hi an let awk a si – HRW

A ra laimi Zarhteni (April 24) ah ASEAN ram pawl nih Indonesia ram ah Myanmar ram kong ceih dingin meeting tuah an tim i...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -