“Midang Facebook an hman lio ah kei cu Facebook hman ka thiam rih lo. A hnupi lawngah Facebook ka hman,” tiah Myanmar mintami Soe Pyae Thazin nih a chim.
“Ka fan pakhat nih Facebook account a ka serpiak i a ka pek. A hramthok ahcun ka hmang lo. Amah nih a karlak tete ah hmanthlak a ka tar piak tawn.
“A hnu cun, a hmai ka khap lo i ka hman lai ka pe ka ti. A hramthok ahcun ca tar ning zong ka thiam lo. Mi ka hal hna i a hnu cun ka thiam, a rak ttha ngai ko hen hi ka ti len.
“A hnu cun, khoika ka kal paoh ah hman kaa thla i Facebook ah ka tar. Fan pawl he i pehtlaihnak ah a tthatuk,” tiah Soe Pyae Thazin nih a chim.
Mintami Soe Pyae Thazin cu a hramthok ahcun Facebook account lawng a hmang nain page tluk in a sinpit lo caah a hnu cun page aa ser tthan.
Atu hi Myanmar ram ahcun Tik Tok a lar tuk i mi sawhsawh he minthang pawl he hman dih cio a si.
Nain, Soe Pyae Thazin cu Tik Tok celh a thiam rih lo caah atu tiang Tik Tok account zong a ngei rih lo. – MC
