Myanmar ralkap bawizik Min Aung Hlaing cu International Army Games – 2019 kai dingin Russia ram a phan, i Russia Vennak Vuanci ralbawizik Sergey Shoygu he tonbiaruahnak an ngei, tiah Myanmar Vennak Vuanci Zung nih a thanh.
International Army Games cu Russia Vennak Vuanci Zung nih 2015 ah a thokmi ralkap thazaang hmuhsaknak, khuazei ram ralkap dah a ṭhawngbik ti i zuamnak puai asi.
Kum fatin zarh 2 chung peng tuahmi ralkap thazaang langhternak puai ahcun ram 39 an i tel. Myanmar Ralkap zong aa tel ve. An ralkap hriamnam ṭhabik le an thiamnak sangbik an chuah cio hna.
Mah puai ahhin ralkap thazaang langhternak phun 32 a um. Tu kum hi Myanmar Ralkap avoi 2nk ai tel si. Tank mawṭaw thazaang, sniper thiamnak, ralram i aa hliammi sii thlop thiamnak, tbk., aa zuam ve.
Tank mawṭaw kah zuamnak Tank Biathlon ah Myanmar Ralkap cu semi-final tiang a rak phan ve.
Tonbiaruahnak an ngeih lio ah, hmai kum zong Myanmar ralkap i zuam rih ding kong, Myanmar ralkap ṭhawnter dingin bawmhnak kong, ram 2 kar ralkap hawikomhnak fehter chinnak kong, ral tuk loin runvennak thazaang langhter i vawlei cung ramkip dai tein umṭi nak kong pawl an ceih.
VIDEO – International Army Games – 2019 final day
