15.3 C
Hakha
Thursday, April 22, 2021
- Advertisement -

Ṭial Tharmi

Min Aung Hlaing ‘President Ṭuan aa Tim’

Myanmar Ralkap bawizik Min Aung Hlaing cu naite i Russia a tlawn ahkhan media nih interview an tuah i “president ka ṭuan lai” tiah dengteo in a chim lo nain ‘a thluamthlam’ in a chim.

“A ra laimi Myanmar rampumpi cozah thimnak ahhin zeitin dah nai teltum ning asi?” tiah Russia media Arguments and Facts nih a hal.

Min Aung Hlaing nih, “thimnak result kan theih hnu ah, party pawl le mipi nih an ka duhpiak ningin rianṭuan ka pehzulh te lai,” tiah a leh – USDP le ralkap MP pawl nih president i cuh dingin an ka duhpiak ahcun kaa cuh te lai ti duhnak.

Russia media Arguments and Facts nih Min Aung Hlaing interview a tuah lio – June 2020

Min Aung Hlaing hi tu kum election hnu ah a rianṭuan caan (term) a dih ding si, mah tikah president cuh aa tim tiah mi tampi nih an zumh.

A ruang cu, 2016 July ah cozah pension lak kum, kum 60 a tling nain i dinh loin Ralkap bawizik rian a peh.

Interview an tuah lio ahcun Min Aung Hlaing nih “ramkhel, ralkap le cozah rianṭuannak lei ah kum 40 bak hmuhtonmi (experience) ka ngei cang,” tiah a chim.

“Kum 40 chung ram le mipi caah rian ka ṭuan cang, i an ka herhnak cozah rian paoh ah pehzulh in ka ṭuan rih ko lai.”

“Mah vialte experience ka ngeihmi hi ram le mipi hruainak caah santlai tuk lai ti ka zumh,” tiah a chim.

Kawlram ahcun president le vice presidents cu mipi nih thim an si lo, Rampumpi Hlutdaw MP pawl nih an thim hna — Mipi nih cun MP lawng kan thim hna.

  1. Hlutdaw Sang (Amyotha),
  2. Hlutdaw Niam (Pyithu) le
  3. Ralkap MP nih president caah minung 1 cio an chuahpi hna. Mah 3 cu Rampumpi Hlutdaw (Amyotha le Pyithu fonh) MP pawl nih vote an thlak hna. Vote tambik ngahtu kha president, a changtu Vice President 1 le 2 an si.

Mah ruangah, Min Aung Hlaing cu president ṭuan a duh zongah rampumpi cozah thimnak ah MP i cuh hau lo. Hlutdaw i a ralkap MP pawl kha ‘president i cuh dingin ka chuahpi uh’ a ti khawh hna – Min Aung Hlaing nih president a ṭuan khawhnak lam cu mah hi hmet law ka rak ṭial ciami rel khawh asi.

Russia media nih cun “Hlutdaw MP 25% ah mipi nih thim bak lomi ralkap pawl na chiahmi hna khi zei tik dah na ngol te lai?” tiah a hal.

Min Aung Hlaing nih, “kan ram ramkhel aa thlen dih i a feh tikah Hlutdaw MP 25% ah ralkap chiah cu kan ngol te lai,” tiah a leh.

English in rel a duhmi nih mah hi hmet law Irrawaddy ah rel khawh asi.

- Advertisement -

Ṭial Tharmi

US Chin pa Za Uk Lian nih minung 1 a kah thah, 1 hliam

US ram, Pennsylvania state um Za Uk Lian nih Nithumni zingka dei hlan ah meithal in minung 1 a kah thah hnu ah amah...

CNF Sakhan umnak Thantlang peng khuate 6 cu ralkap nih lengchuah an khap hna

Chin Miphun Ralkap (CNF) headquarters Victoria Sakhan kalnak lam ah a ummi khuate 6 cu April 21 thokin uknak firtu Myanmar ralkap nih khuapi...

President Biden: US ah COVID-19 raikhamsi 200 million kan chunh cang hna

US President Joe Biden nih, "President ka ṭuan ni 100 chungah COVID-19 raikhamsi 200 million kan chunh hna lai ka rak timi cu kan...
- Advertisement -

Dr Sasa nih ASEAN sinah hitin ca a kuat

Caankarlak cozah NUG biachimtu le Ramdang he Rianṭuanṭinak Vuanci Dr. Sasa nih ASEAN sinah ca a kuat. April 24 ah ASEAN nih Myanmar kong Lakhruak...

ASEAN ram pawl nih Min Aung Hlaing meeting an sawmmi hi an let awk a si – HRW

A ra laimi Zarhteni (April 24) ah ASEAN ram pawl nih Indonesia ram ah Myanmar ram kong ceih dingin meeting tuah an tim i...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -