15.3 C
Hakha
Thursday, April 22, 2021
- Advertisement -

Ṭial Tharmi

Miphun Party Usa Kan Pek Hna caah Chin State ah MP 36 Lawng Kan i Cuh Lai – USDP

2020 November 8 ah tuah ding Rampumpi Cozah Thimnak ah Chin miphun party usa kan pek hna caah Chin state ah MP 36 lawng kan i cuh lai, tiah Chin State USDP biachimtu Salai Khoi Yang nih a chim.

Chin State ah MP cuh awk 39 a um. Matupi le Falam pengah Pine Hluttaw hmun 1 veve le Hakha pengah Amyotha Hluttaw hmun 1 kan i cuh lai lo. A taangmi 36 lawng kan i cuh lai, tiah Salai Khoi Yang nih a chim.

“Kanmah USDP in aa cuh ding MP le miphun party in aa cuh ding MP kan tahchun hna tikah anmah MP nih an ngah deuh awk si kan ti caah anmah lei aa cuh ding usa kan pek hna i si.”

“2018 Caankarlak Thimnak zongah atu bantukin cuh loin kan rak kianhmi an um. Mah kan lungput zong cu kan pehzulh pah i si.”

“USDP cu Pine Hluttaw nakin Amyotha le Pyithu Hluttaw hi usa kan pek deuh. State ahcun miphun party nih ngah ve hna seh, an state ṭhatnak aa zuammi an si caah mu.”

“Kannih cu party ngan zong kan si caah rampumpi ah Pyithu le Amyotha Hluttaw hi tam deuh ngah tu kan i tinh. Mah ruang cun Pine level i teinak hmuh nakin rampumpi (Pyithu + Amyotha) ah teinak hmuh ding hi kan i tim deuh,” tiah a chim.

USDP nih 2010 Thimnak ah rampumpi ah teinak a rak hmuh. Chin state zongah Ralbawi Hung Ngai nih vuancichoh kum 5 chung a ṭuan.

2015 Thimnak balte ahcun USDP nih Chin state ah MP 5 lawng a ngah, NLD nih tam taktak in a tei.

Charhchan: Khonumthung

- Advertisement -

Ṭial Tharmi

US Chin pa Za Uk Lian nih minung 1 a kah thah, 1 hliam

US ram, Pennsylvania state um Za Uk Lian nih Nithumni zingka dei hlan ah meithal in minung 1 a kah thah hnu ah amah...

CNF Sakhan umnak Thantlang peng khuate 6 cu ralkap nih lengchuah an khap hna

Chin Miphun Ralkap (CNF) headquarters Victoria Sakhan kalnak lam ah a ummi khuate 6 cu April 21 thokin uknak firtu Myanmar ralkap nih khuapi...

President Biden: US ah COVID-19 raikhamsi 200 million kan chunh cang hna

US President Joe Biden nih, "President ka ṭuan ni 100 chungah COVID-19 raikhamsi 200 million kan chunh hna lai ka rak timi cu kan...
- Advertisement -

Dr Sasa nih ASEAN sinah hitin ca a kuat

Caankarlak cozah NUG biachimtu le Ramdang he Rianṭuanṭinak Vuanci Dr. Sasa nih ASEAN sinah ca a kuat. April 24 ah ASEAN nih Myanmar kong Lakhruak...

ASEAN ram pawl nih Min Aung Hlaing meeting an sawmmi hi an let awk a si – HRW

A ra laimi Zarhteni (April 24) ah ASEAN ram pawl nih Indonesia ram ah Myanmar ram kong ceih dingin meeting tuah an tim i...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -