Myanmar actor minthang Kyaw Hein cu tuni July 11, zinglei sml 9.17am ah hi vawlei nunnak in a liam ruangmang cang.
Actor Kyaw Hein cu a thih ahhin kum 73 asi. Australia ram, Canberra khua ah a thi.
Kyaw Hein cu a luancia February thla ahkhan a lung ah thi a kal khawh lo caah heart attack ngah i a zeng. Sizung ah thla 3 hrawng a um.
Aa tong sualmi cu a tupa actor Dwe he an thih ni aa khat. Tuni hi actor Dwe a thih kum 13 tlin ni a si.
Actor Kyaw Hein cu Myanmar Academy Award voi 5 tiang a ngahmi a si. Film a zaza aa tlami actor minthang a si pinah amah cu film director zong a si fawn.
Kumm 61 a si 2008 inkhan actor rian in aa ngol i phungki ah a rak lut.
- Advertisement -
