28.3 C
Hakha
Friday, May 7, 2021
- Advertisement -

Ṭial Tharmi

Myanmar, Bangladesh le China cu Rohingya kirter i bawm dingin lungtlinnak an ngei

Yangon — Rohingya kirter i bawm dingin Myanmar, Bangladesh le China lungtlinnak an ngei.

US ram New York khuapi ah tuahmi UN General Assembly lio ah ram 3 palai hna cu anmah dang tein meeting an ngei i Rohingya kirter i bawm dingin lungtlinnak an ngeih hi si.

Meeting ahcun China Ramdang Vuanci Wang Yi, Myanmar Ruahnak Petu Zung Vuanci U Kyaw Tint Swe le Bangladesh Ramdang Vuanci AK Abdul Momen hna an i tel. An meeting cu UN secretary general nih Myanmar kong hlat dingin rian a khinhmi Christine Schraner Burgener nih tehte in a umpi hna.

Ram 3 i bawm in Rohingya pawl cu a tuan khawh chung tuan in Rakhine state ah kirter hna dingin lungtlinnak an ngei.

Ram 3 cu October thla ah avoi 1nk bik formal meeting kan ngei te lai, tiah Ak Abdul Momen nih media sinah a chim.

“Rohingya pawl cu a ran khawh chungin lak ding Myanmar a lungtling,” tiah a chimchap.

Tuni tiang ahcun mah kong cu Aung San Suu Kyi Zung nih thawngthanhnak a tuah rih lo. China thawngzamhca Xinhua news nih cun a ttial cang.

2017 August thla ah Rakhine Rohingya Khamhnak Ralkap (ARSA) nih palek le ralkap sakhan a tuk i minung 10 leng a thah hna ruangah Myanmar ralkap nih lehrulhnak a tuah i Rakhine state chung Rohingya paoh (a sual he sual lo he) a hrem dih hna, inn a khanghpiak hna, a tlaihhrem hna i a thah hna ruangah Rohingya 700,000 leng Bangladesh ram ah an zaam i nihin tiang an kir ti lo.

Mah ruangah UN nih “Myanmar cozah nih Rohingya na tuahto hna ning hi ‘miphun cihmih’ asi, ti tiangin cathanh a chuah.

November 2017 ah Rohingya kirter dingin Myanmar le Bangladesh nih lungtlinnak minsen an thut cang nain Rohingya pawl nih ‘hmatpungttin na kan pek lo cun kan kir lai lo’ an ti caah atutiang an kirter kho hna lo.

Ni kum ah, mah lungtho tein kir a duhmi Rohingya pawl cu lak hna dingin Myanmar cozah nih UNHCR le UNDP he lungtlinnak minsen a thut i voi 2 tiang kirter an timh hna nain Rohingya nih an duh lo ruangah an kirter kho hna lo.

- Advertisement -

Ṭial Tharmi

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...
- Advertisement -

CDF nih CDM tuah lomi sianginn saya/ma pawl ralrin a pek hna

Chinram Runvennak Ralkap (Chinland Defense Force - CDF) nih CDM a tuah lomi le sianginn kai dingin forhfialtu saya/ma pawl cu fak piin ralrin...

Thawngṭha: US President Biden nih 2021 ah refugee 62,500 a lak hna lai

US President Joe Biden nih, "2021 Budget Kum chungah US nih ralzaam 62,500 kan lak hna lai," tiah May 3 ah bia a chah. President...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -