14.3 C
Hakha
Thursday, May 6, 2021
- Advertisement -

Ṭial Tharmi

Myanmar cozah nih ‘Daihnak Zung’ a dirh lai

YANGON — Cozah zung a simi Rammi Rualremnak le Daihnak Zung (NRPC) nih Daihnak Zung (Peace Secretariat) a dirh lai, tiah Myanmar President Zung biachimtu U Zaw Htay nih, cozah le Miphun Hriamtlai Bu 10 meeting an tuah hnu ah thawngla pawl a chimh hna.

NRPC vorhlei kut caah dirh timhmi Daihnak Zung a rian cu Rampumpi Kahngol Lungtlinnak (NCA) minsen a thu cangmi Miphun Hriamtlai Bu (EAO) he a thu rih lomi EAO he remdaih biaruahnak tuah asi lai.

Daihnak Zung cu ‘zeitin dah kan dirh ning asi lai’ tiah aa pehtlaimi bu kip he kan i ceih lio si, tiah U Zaw Htay nih a chim.

Atu lio cu, NRPC Daihnak Bu nih remdaih biaruahnak vialte ttuanvo a lak dih. Dirh an timhmi Daihnak Zung ahcun lenglei ramkhel thiamsang le cozah minung pawl an ttuan lai.

NRPC cu Thein Sein acozah dirhmi MPC an hrawh hnu, 2016 July thla ah NLD acozah nih a dirhmi si.

NCA minsen a thu cangmi CNF chairman Dr. Lian Hmung Sakhong nih, “NRPC hi an remh hau, cun remdaih biaruahnak lutlai Dr. Tin Myo Win hi remdaih biaruahnak ah vuanci level tiang nawl an pek hau,” tiah a rak chim.

Thein Sein acozah lio i remdaih biaruahnak lutlai U Aung Min cu President Zung vuanci a rak si.

Miphun Hriamtlai Bu pawl le zatlang bu hna nih ‘NRPC hi NLD nih a remh lo hmanh ah a kauh hau, Thein Sein acozah lio i MPC tluk hmanh in rian a ttuan kho lo’ an rak ti lengmang. — The Irrawaddy – English Edition

- Advertisement -

Ṭial Tharmi

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...
- Advertisement -

CDF nih CDM tuah lomi sianginn saya/ma pawl ralrin a pek hna

Chinram Runvennak Ralkap (Chinland Defense Force - CDF) nih CDM a tuah lomi le sianginn kai dingin forhfialtu saya/ma pawl cu fak piin ralrin...

Thawngṭha: US President Biden nih 2021 ah refugee 62,500 a lak hna lai

US President Joe Biden nih, "2021 Budget Kum chungah US nih ralzaam 62,500 kan lak hna lai," tiah May 3 ah bia a chah. President...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -