16.4 C
Hakha
Thursday, April 15, 2021
- Advertisement -

Ṭial Tharmi

Myanmar hmatpungtin deu in Naypyitaw Lunghring Zuarnak ah luh aa timmi China pa 3 thongthlak an tong kho

Naypyitaw ah tuahmi Lunghring le Lungmansung Zuarnak puai ah Kawlram hmatpungtin deu in luh ai timmi China pa pathum cu palek nih an tlaih hna.

“Ni 15 chung palek sakhan ah hren an si lai. Kawl holh an thiam lo caah holhlet sin in bia kan hal hna. Hlathlainak kan tuahmi ai lim rih lo,” tiah Naypyitaw i Zabuthiri palek sakhan nih a chim.

Riantuannak, Lahwahkah le Milu Vuanci U Thein Swe nih, “China pa pathum cu upadi ningin a theipar zunter an si lai,” tiah Hlutdaw Niam ah media pawl a chimh hna.

“Khuazei in dah hmatpungtin deu an ngah ti le an hman hlan ah a deu si an hngal maw hngal lo ti zong kan hlat lai,” tiah thawngla pawl sinah a chim.

Palek nih an chimnak ahcun, China rammi pa pathum cu Myanmar hmatpungtin deu in Naypyitaw i Zabuthiri Township ah tuahmi 2019 Kum-ttim Lunghring le Lungmansung Zuarnak puai ah luh an i tim.

Puai kutka cong lahwahkah riantuan pawl nih hmatpungtin cu an lunghrinh i hmatpungtin ah aa tialmi an tuahnak lahwahkah zung cu phone an chawnh tikah adeu an rak si diam.

China pa pathum cu Guangxi Zhuang peng in a rami an si i China passport an i tlaih.

Lahwahkah upadi le catlap deu tuah upadi dal 420 le 468 in lahwahkah nih Zabuthiri palek sakhan ah an report hna.

Biaceihzung nih ‘an sual’ tiin a khiah ahcun, an sualman ah a tambik kum 7 thongthlak le lahwahkah upadi in thla 5 in kum 5 kar thongthlak an tong kho.

Lunghring le Lungmansung Zuarnak puai cu September 16 in 25 tiang an tuah. Cawk a duhtu ramdang company pawl nih zoh dingin lunghring 7,800 lots le lungmansung 480 lots an phozar. Euro tangka in cawk asi, kyat le yuan in si lo.

Zuarnak puai ahcun kal dingin lunghring le lungmansung company 3,000 leng nih min an pek. Tam deuh cu China company an si, tiah puai tuahtu bu nih a chim.

Zuarnak puai ahcun ramdang cozah palai, lunghring le lungmansung pehtlaihnak bu chungtel le sawmmi khual lawng i tel khawh asi, tiah U Min Thu, puai tuahtu bu chairman nih a chim.

Nain, zoh a duhmi cu ramchung ramleng lunghring company nih ni 1 ah Kawlram tangka ting 2 in aamahkhan piak in luh khawh asi ve, tiah a chim.

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -