Atu lio Kawlram ah tuahmi Myanmar Idol hlasak zuamnak ah Chin pa Benjamin Sum aa zuam ve. An nih hi Kalaymyo in a rak i zuammi a si. Thazaang pe cio hna usih.
Benjamin cu Kalay i Computer University ah a kum 2nk a kai liomi a si.
“Ka nunnak ah lungrawhnak tampi ka tong. Ka ngeihchun cu ka nu lawng a si i, ka nu cu cancer zawtnak stage 3 a si ahhin a ka thih tak sual lai ka phang tuk. Ka pa thih hnu in keimah he lawng kan um tti.”
“Ka nu cu va dang a ngei ti lo. Cu ruangah, ka nu caah tampi i zuam ka duh,” tiah Benjamin nih a chim.
Benjamin a nu Lal Din Par hi awtha minthang pakhat a si ve. A hla rak ngai chih lawlaw ve.
Benjamin nih “music ahcun rock, pop le jazz phun ka uar. Cun, 5 second of summber band hi ka uar bik hna i an hla zong ka uar tuk hna. Hla ka cawn ah guiter tum pah in ka cawng. Aw hi biapi in ka chiah,” tiah a chim fawn.
Benjamin cu Hallelujah hla a sa. Biakhiaktu Phyu Phyu Kyaw Thein cu hla a sak dih in a dir i ‘dirpiak phu na si’ a ti, Kawl hla fung 1 a sak ter. Benjamin cu Golden Ticket a ngah. Yangon ah pehzulh in aa zuam rih lai.
Myanmar Idol Season 4 hlasak zuamnak ahhin Chinmi chung in a dang aa zuammi zong an um len.
