Valte hi Kalymyo um Falam mi a si. 2010 kum ah Kalaymyo certual ah kan i hmu.
Cu lio ahcun a si duhnak a chunmang a simi, Chinmi aiawh in Myanmar National team player si a duhnak a rak ka chimh.
Mifel, Sport spirit le discipline a ngei tuk mi a si ruang ah 2011 kum ah a chunmang a tlamtlinh khawh naklai kan si khawh tawk bawmh ding in Rangoon ah kan auh.
2011 ah Hantawady timi club tha ah lut kho ding in kan zuampi. A zuamnak thawng in Hantawady Club nih a lakni cu kan rak lawmpi tuk.
2014 Myanmar National league i kan van kai khawh caah kan mah Chin club ah season pakhat a kan chuihpi.
Myanmar National team a tel khawh nakding a lam a um deuh ruang ah 2015 in Hantawady ah kan chuihter than.
2019-2020 ah a chunmang simi, Chinmi aiawh in Myanmar National Team player cu Pathian thawng in a van i tel kho taktak. Myanmar National Team ah Defensive Mid-fielder in a celh.
Tukum 2020 season ah Hantawady Club cu Pakhatnak hmu ding in chance tam cem an ngei.
An Club ngeitu Kawlram mirum U Aung Moe kyaw nih Pakhatnak nan ka lakpiak khawh i tuanbia thar nan tial khawh ah cun ka ti khawh chung laksawng -tam nawn- kan pek hna lai a ti hna.
A chunmang a tlin hnu ah, hmai lei an 𝗰𝗵𝘂𝗻𝗴𝗸𝗵𝗮𝗿 𝗸𝗵𝘂𝗮𝘀𝗮𝗸𝗻𝗮𝗸 lam a tluan khawh naklai puai thum lawng a taang cangmi Myanmar National League celhzuamnak ahhin Champion hmu ding in thla campi hna u sih.
Cattialtu: Saya NC Thawng Tha Thang
