15.6 C
Hakha
Sunday, April 18, 2021
- Advertisement -

Ṭial Tharmi

Myanmar President nih thongtla 25,000 a thlah hna lai

Buddhist Kumthar (Thingyan) lawmhnak caah Myanmar President Win Myint ngaihthiamnak in thongtla 25,000 dengmang an thlah hna lai.

Atu an thlah thluahmah hna lio asi.

Myanmar ram ahcun kum fatin Buddhist Kumthar lawmhnak caah president nih thongtla tampi a thlah tawn hna. Liamcia kum tlawmpal chungah tu kum thlah a timhmi hna hi an tambik.

President Win Myint nih, “rampumpi ah thongtla 24,896 cu an sualnak kan ngaihthiam hna lai i kan thlah hna lai,” tiah a chim.

“Thlah dingmi lakah ramdangmi 87 zong an i tel,” ati.

Thlah dingmi pawl cu zei bantuk sualnak in thongtlami dah an si, ti balte a chim lo.

Thong Zohkhenhnak Zung biachimtu Zaw Zaw nih, “thlah dingmi tampi cu coronavirus zawtnak tih ruangah thlah timhmi an si lo,” tiah a chim.

Myanmar ram ah coronavirus zawtnak ngei hmuhmi dihlak 85 an si cang, mah chungah 4 an thi cang.

Zawtnak karh hlah seh tiin cozah nih minung tampi i but/pumh a khap nain tu zingka kha Yangon um Insein thongin ah an chungkhar dong dingin minung tampi an i bu.

Ni kum zongah president nih Thingyan puai lawmhnak caah thongtla 23,000 hrawng a rak thlah hna. Kum chin ahcun thongtla 8,000 hrawng a rak thlah hna.

Tutan thlahmi lakah cozah soisel ruangah thongthlakmi pawl an i tel ve lai maw ti hngalh asi rih lo.

Thong Zohkhenhnak Zung nih cun, “Myanmar ram ah ramkhel ruangah thongthlakmi an um lo,” ati nain minung covo aupi tu pawl nih cun ramkhel kong an ruahning chim ruangah thongthlak mi tampi an um, an ti.

Thlahmi lakah mah bantuk cu an i tel ve lai maw tiin an hal nain Zaw Zaw nih, “thlahmi pawl cu Thong Zohkhenhnak Zung nih min kan bunh hna lo” tiin a leh hna. Insein thong bawi nih “cozah soiseltu pawl an thlah ve hna lai maw ti cu ka hngal lo” ati ve.

“Cozah nih ramkhel ruang thongtla an um lo a ti nain min cazin a kan hal i min 70 leng kan pek hna,” tiah Aung Myo Kyaw, Ramkhel Thongtla Bawmhnak Bu (AAPP) hruaitu nih a chim.

“Pakhat tal an thlah hna maw ti cu atutiang kan hngal rih lo,” ati.

“An ruah ning zalong tein an chim ruangah 2019 ah minung 331 len tazacuai an tong,” tiah NGO Athan nih a langhter.

Thongthlakmi lakah, kan hnu thla ah cozah nih internet a phih ruangah sandah a piahmi siangngakchia pawl zong an i tel.

AAPP nih, “Myanmar ram ah thongtla 92,000 leng an um. Thonginn cheukhat ahcun khaan an i zat lo caah a tlummi nak let 2 le let 3 tam tiangin an chiah hna. Tutan ah an thlahmi hna hi cheuli-cheukhat fai an si lai tinak asi,” ati.

Nain, cozah nih cun nai hrawng rampumpi thongtla dihlak zeizat dah an si ti a langhter lo.

Charhchan: Reuters

- Advertisement -

Ṭial Tharmi

Tuni ah ralkap nih minung 2 meithal in an kah hna

Tuni Zarhpini ah, Mandalay ramṭhen Myingyan khua ah tlangval pakhat cu ralhrang Myanmar ralkap nih meithal in an kah caah a nunnak caah thinphan...

Sihni Salai Dawt Cung Lian inn ah gas a puak i a nunnak liam

Sihni Salai Dawt Cung Lian cu an inn ah gas a puak i a nunnak liam tiah kan theih. An nih hi Mandalay ah ralkap...

Yangon ah bomb a puak i ralkap 3 hliam tong

Nizaan ahkhan Yangon ah bomb tam ngai a puak i ralhrang Myanmar ralkap a tlawmbik 3 paoh hliam an tong, tiah The Irrawaddy media...
- Advertisement -

Bill Gates nih ‘mah 3’ a thiammi hi cu hmailei ah rian tha an hmu kho lai ati

Vawlei cung mirumbik 4nak a simi Bill Gates cu hmailei kong lawngte ah a buai khim ko. Thil thar sertu le sipuaizi thlengtu pawl he...

Apoi tuk: Min Aung Hlaing cu ASEAN Meeting a kai lai

Uknak firtu Myanmar ralkap bawizik Min Aung Hlaing cu April 24 ah tuah ding ASEAN meeting ah an sawm ve caah Indonesia a tlawng...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -