16.4 C
Hakha
Thursday, April 15, 2021
- Advertisement -

Ṭial Tharmi

Myanmar ram ah Covid-19 mizaw 5 an thi, Yangon cozah nih zaan lengchuah khap

Myanmar ram ah Covid-19 mizaw 96 an hmuh cang hna. Mah chungah 5 an thi i 5 an dam cang.

1 cu tuni ah a thi. Yangon um Waibargi Sizung ah zohkhenhmi kum 78 pa cu tu zingka ah a thi. Thikai le zunthlum zawtnak zong a ngeimi si, tiah Ngandamnak le Zaanglek Vuanci Zung nih a thanh.

Yangon ramṭhen hi fak bikin a den, i tuni Zarhteni zaan tiangah minung 79 an zaw cang. Mah chungah 4 an thi cang.

Zawtnak karh nuar deuh seh tiin Yangon ramṭhen cozah nih zahan ah “April 18 thokin Yangon ramṭhen peng 44 um mipi zaan 10pm in zing 4am tiang leng nan chuak lai lo,” tiin order a chuah.

Tuni zongah Ngandamnak le Zaanglek Vuanci Zung nih Covid-19 mizaw an umnak Yangon ramṭhen peng 7;

  1. Insein,
  2. Shwephyithar,
  3. Mayangone,
  4. Bahan,
  5. Pabalden,
  6. South Oakkalar le
  7. Hlaingtharyar peng um mipi cu “inn ah um uh (lengchuak hlah uh)” tiin order a chuah rih.
Yangon, Sule lam a king colh

Acunglei langhtermi peng 7 um mipi cu rawl le sii cawk nan herh ahcun chungkhar 1 in minung 1 lawng leng nan chuak lai. Sizung le sikhan kal nan duh ahcun minung 2 i zulh ngah.

Aruang dangdang ah minung 2 i zulh nan duh cun nan sang lole khua nawlngeitu sinah nawl nan hal lai, ati.

Hi zulhphung a buarmi paoh cu Chawnh Khawhmi Zawtnak Khamnak le Vennak Upadi in tlaih le tazacuai nan si lai, ati.

Mandalay ramṭhen cozah zong nih Yangon bantukin zaan lengchuah a khap ve cang.

Nizaan tihni (Nilini) ah Ngandamnak le Zaanglek Vuanci Zung nih, “rampumpi ah minung 5 cung nan i bu/pum lai lo,” tiin order a chuah cang.

Myanmar ram ah Covid-19 aa thok ning

March 23 ahkhan Myanmar ram ah Covid-19 zawtnak ngei an hmuh hmasa cem. US in nupi ṭhit ruah ah a rung tlungmi Chin (Tedim) pa asi. Atu cu damlei a panh cang.

Anu telh in minung 3 a chawnh manh hna i atu hi Chin state Tedim Sizung ah amah telh in mizaw 4 an um cang.

Myanmar Ministry of Health and Sports

March 31 ah Covid-19 in avoi 1nk bik kum 69 pa a thi. Yangon um asi i stage-4 cancer zawtnak zong a ngeimi si.

April 8 ah Covid-19 mizaw 2 an thi. Bago ramṭhen um Pyay Sizung ah zohkhenhmi kum 47 pa le Yangon Sizung ah zohkhenhmi zunthlum zawtnak ngei kum 63 nu an si.

April 12 ah kum 85 pa Covid-19 in a thi ve. Zunthlum, thikai le lung zawtnak a ngeimi si. Yangon Sizung ah a nunnak liam.

Atu hi mizaw 3 cu mizaw zual zohkhenhnak khaan (ICU) ah an chiah hna lio asi.

Charhchan: Myanmar Ministry of Health and Sports, The Irrawaddy le AFP

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -