New Zealand — Tu zaanlei 2:11pm (New Zealand caan) ah meitlang a puak i khualtlawng 5 an thi, adang 20 hliam an tuar.
Cheukhat cu fak ngai in a kangh hna. Minung 7 cu an hma a fah tuk caah an nunnak caah thinphang asi. Hliam a tuarmi pawl cu ambulance in pawngkam khua Whakatane sizung ah an kalpi hna.
New Zealand ram hruaitu nu Prime Minister Jacinda Ardern nih, “minung tam nawn kan hmu rih hna lo, palek nih an sik khawh chungin an kawl hna lio asi…,” tiah a chim.
Meitlang a puah lio ahhin a hmun ah minung 50 hrawng an um, tiah New Zealand palek nih an chim.
Tlai deuh ahcun a thimi le aa khawngmi dang an hmuh chap te khawh men hna. Mikhamhtu pawl nih an kawl cuahmah hna lio asi. Thawngpang thar um cun kan update te lai.
Meitlang a puahnak zawn hi ‘Bay of Plenty’ tiin auhmi rili cungah a ummi vawlei bite ‘White Island’ ah asi. Rili tlang in 50km hrawng aa hlat. Meitlang a nungmi um caah khuasami an um lo.
Khualtlawng pawl cu meitlang zoh dingin set-hle le helicopter in an va kal tawn.
My god, White Island volcano in New Zealand erupted today for first time since 2001. My family and I had gotten off it 20 minutes before, were waiting at our boat about to leave when we saw it. Boat ride home tending to people our boat rescued was indescribable. #whiteisland pic.twitter.com/QJwWi12Tvt
— Michael Schade (@sch) December 9, 2019
Atutiang ahcun zei ruang dah a puah ti an hngal rih lo. A puak lai ti zong an hngal lo. Ruah lo piin a puakmi asi.
Meitlang a puah lio ah vutcam le meici cu van sangpi tiang an i hlorh i meitlang kiangkap ah an tla, khualtlawng pawl a tlak hna.
