21.3 C
Hakha
Thursday, April 15, 2021
- Advertisement -

Ṭial Tharmi

Ngun Ceu Cung le Ram Uk Ling nih ‘Khual’ timi album thar an chuah

Online ah mino tampi nih a hla an uar ngaimi Ngun Ceu Cung le a hawipa Ram Uk Ling nih ‘Khual’ timi tlangtlar in album thar an chuah tiah kan theih.

“October 23 ah a chuak dingmi kan album ‘Khual’ hi CD le a hla cauk he kemh in chuah kan i tim i thazaang nan rak kan pek cio nak lai kan in sawm hna” tiah Ngun Ceu Cung nih a Facebook Page ah a ttial.

‘Khual’ album cu October 12 thok inkhan Spotify, Apple (iTunes) le Google Music store ah cawk khawh a si cang.

CD cu vawlei cung Chinmi umnak hmun paoh ah phakter khawh kan i zuam lai an ti. Ani caan neih deuh tikah cawk khawhnak te pawl cu fiang deuh in kan thanh tthan te lai an ti.

‘Khual’ album lawng siloin ‘Khual’ ti a cuangmi angki zong an chuahchih nain limited a si i thazaang a pe taktakmi hna ca lawngah a si tiah kan theih.

Ngun Ceu Cung cu Miepeng, Firti khuami Pu Tial Bik le Pi Sui Par fa a si. Ram Uk Ling cu Thantlang khuami Rev. Hrang Ling le Pi Khuang Cer hna i an fapa a si.

Ngun Ceu Cung le Ram Uk Ling cu atu album hlan ahhin online ah hla aa chuah lengmangmi an si.

Ram Uk Ling

Ngun Ceu Cung

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -