21.3 C
Hakha
Thursday, April 15, 2021
- Advertisement -

Ṭial Tharmi

NLD: Zei Party Paoh nih Vote Kawlnak ah Bogyoke Aung San Hmanthlak Hman Khawh Asi

Zei party paoh nih vote kawlnak ah Ralbawi Aung San hmanthlak hman khawh asi ko, tiah NLD biachimtu Monywa Aung Shin nih a chim.

“Kan party miatnak ca ti theng loin upatnak he kan hmanmi asi. Aho paoh nih hman khawh cio asi. NLD nih midang cu hmang hlah uh kan ti bal lo. Ahopaoh nih an hman khawh ko,” ati.

“Kum 1990 Thimnak in 2015 Thimnak tiang, NLD nih vote kawlnak ah Bogyoke Aung San hmanthlak kan hman peng.”

“Bogyoke Aung San hmanthlak hmang in vote kawl a dotu party pawl cu ramkhel lei ah a ruahnak bi deuhmi pawl an si,” ati.

June 26 ah Yangon khuapi ah ramkhel party pawl le Rampumpi Thimnak Zung (UEC) cu thimnak zulhphung kong lungtlin minthutnak an tuah. Mah lio cun USDP le party dang 30 nih;

  • Bogyoke Aung San hmanthlak hmangin vote kawl hlah uh, ti telh in ruahnak 12 an chuahpi.

Ruahnak an chuahpi mi pawl cu UEC nih a cohlan lo ruangah USDP le party cheukhat nih thimnak zulhphung ah min an thut duh lo.

June 27 ah UEC le ramkhel party pawl tonnak an ngei ṭhan. UEC Chairman U Hla Thein nih “thimnak zulhphung (Code of Conduct) cauk cu kan print dih cang caah chap le zuh awk a ṭha ti lo,” ati.

“UEC cu thil a cawmi le zuarmi kan si lo, kaih le ṭhumh a tuahmi bu kan si lo,” ati i USDP le party dang duhnak cu zulhphung ah a telhpiak duh hna lo.

June 29 ah USDP le party cheukhat nih media sinah thawngthanhnak an tuah.

USDP biachimtu Dr. Nanda Hla Myint nih, “a ra laimi thimnak caah Bogyoke Aung San hmanthlak hmangin vote kawl in mipi an hlen rih hna ding kan duh lo,” tiah a chim.

“Mipi nih aa tlakmi lawng thim hna seh ti kan duh. Bogyoke Aung Sang hmanthlak piah in mipi hlen an ton rih ding kan duh lo,” ati. — Irrawaddy

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -