21.3 C
Hakha
Thursday, April 15, 2021
- Advertisement -

Ṭial Tharmi

Paletwa peng ah internet hman khawh a si rih lo

Chin state thlanglei, Paletwa peng ah internet a ngah cang tiin August 1, 2020 ah thawngpang a chuak nain atu tiang internet hman khawh a si rih lo tiah khuami nih an chim.

Mah konghe pehtlai in Paletwa khuami pakhat nih,”atu tiang ahcun internet a ngah rih lo. A ngah an timi cu cheukhat phone ah internet a ngah cang timi cakuat a luh ruangah a si.

“Cheukhat phone ahcun mah bantuk cakuat cu a lut lo. Mah bantuk cakuat a lutmi phone zong cu internet on tikah line a umlo. Messenger le Viber ah cakuat a ngah lo caah internet a ngah cang ti awk tha lo,” tiah a chim.

Cozah ralkap le AA i kahdohnak Rakhine state peng 8 le Paletwa peng ah 2019 June 21 thokin cozah nih pehtlaihnak internet a phihpiak hna.

Paletwa peng ahhin MPT simcard an hmang deuh hna i network 4G si loin 2G lawng a si caah hman khawh silo tiah Paletwa khuami nu pakhat nih a chim.

“Internet hman khawh si rih lo. 2G lawng a kan on piak caah aa her peng ko. Facebook, Messenger le Viber hman khawh an si lo. Thawngpang zong rel khawh an si lo. Internet kan in onpiak hna ti lawng si, atu tiang hman awk a ttha lo, a hlan bantuk on lo he aa dannak um lo,” tiah khuami nu nih cun a chim.

Paletwa peng internet phih ruangah khua chung i sipuaizi, zatlang, fimcawnnak le a kankip in sunghzatlaknak a um pinah a hlei in Covid-19 lio a si bang ngandamnak kong thawngpang an thei kho lo.

Rakhine le Paletwa peng ah internet a pihnak kum 1 leng si cang i vawlei cung internet a pih saubik cazin ah aa tel. Ramchung, ramleng in nuhrin covo aupi tu bu pawl nih internet onpiak dingin voi tampi duhnak an langhter. – Khonumthung

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -