14.1 C
Hakha
Sunday, May 9, 2021
- Advertisement -

Ṭial Tharmi

Paletwa peng cozah nih thla 2 chung zaan lengchuah lo dingin nawl chuah

Paletwa pengah cozah nawl onhnak tel loin ahohmanh zaanlei 6pm in zingka 6am kar leng chuah lo ding, tiah ‘zaan lengchuah lo ding’ timi upadi Criminal Code section 144 hmangin penguk GAD zung nih zahan November 9 ah nawl a chuah.

Hnahnawhnak tuah duh ah siseh, thil ṭha lo tuah duh ah siseh, minung 5 le 5 leng i khawm in zalampi le mipi he aa pehtlaimi innlo pawl ah kal lo ding, aukhuan le upadi nih a onh lomi thil tuah lo ding, tiah nawlchuah thawngthanhnak ca chungah a ṭial.

Atu nawl kan chuahmi hi nan buar ahcun upadi ningin a theipar zunter nan si lai. Nawl kan chuahmi hi tuni thokin thla 2 tiang asi lai, ati.

“Paletwa pengah ralhrang pawl nih bomb puah, mi bawh in tukvelh, sang le khuate ah mi sawhsawh bantukin i umter in sualnak ngei lo khuami tukvelh, minung fir, sualnak ngei lo khuami cheukhat thah, hma hmuah, tbk., a hung um caah hitin zalong tukin lengchuahnak kan onh peng ahcun hi bantuk ralhrang tukvelhnak a karh chin lai ti kan phan caah le palek le cozah nawlngeitu nih mipi him tein zohkhenh kho hna seh law daihnak leng seh ti kan duh caah asi,” tiah nawl chuahnak ca chungah an telh.

November 3 ah Paletwa khua in Kyauktaw khua lei ah a kalmi sehtilawng aa citmi India rammi 5, Chinmi cheukhat le Paletwa peng Amyotha Hluttaw MP U Hawi Tin cu Rakhine hriamtlai AA nih an tlaih hna.

India rammi pakhat cu bia an hal lio ah lungtur in a thi. A dang cu an thlah hna nain Chin MP U Hawi Tin cu an thlah duh lo.

Charhchan: Chin World le Mizzima English

- Advertisement -

Ṭial Tharmi

CDF-Hakha nih Surkhua Palik Sakhan an lak, hriamnam zong an lak

Chinram Vengtu Ralkap (CDF) Hakha nih May 8 chun 11:30am hrawngah Surkhua palik sakhan an lak i hriamnam zong an lak. Sakhan cu an...

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...
- Advertisement -

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...

CDF nih CDM tuah lomi sianginn saya/ma pawl ralrin a pek hna

Chinram Runvennak Ralkap (Chinland Defense Force - CDF) nih CDM a tuah lomi le sianginn kai dingin forhfialtu saya/ma pawl cu fak piin ralrin...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -