Paletwa peng ralzaam sakhan pawl ah rianrang in facang bawmh an herh tiah mibawmtu bu nih an ti.
Paletwa khua le Kuantaung le Phazungchaung ah a ummi ralzaam sakhan pawl ah facang a dih i bawmh an herh tuk hringhran tiah ralzaam bawmhnak ah aa tel vemi pakhat nih a chiim.
“Abiapibik in bawmh an herhmi cu facang a si ko. Lam te pawl an phih dih ruangah a si” tiah a chim.
Paletwa khua, Kuantaung le Pazungchuang um ralzaam sakhan ahhin ralzaam 5,000 hrawng an um.
Paletwa peng ah ralzaam sakhan 6 a um i ralzaam 9,000 leng an i dor.
Kawl ralkap le Rakhine ralkap AA kar kahdohnak ruangah Paletwa ah a biapi bikmi pehtlaihnak lam pawl an phihnak thla 8 hrawng si cang. Cu ruangah, facang an cat i thilman zong a kai tuknak a si.
Ralzaam sakhan lawng siloin khuate pawl zongah pehtlaihnak lam harsat ruangah dinei awk bawmh an herh tiah ralzaam bawmtu bu nih an ti.
Paletwa peng ah zaan lengchuak hlah timi zulhphung cu atu tiang an chiah peng rih ko.
