21.3 C
Hakha
Thursday, April 15, 2021
- Advertisement -

Ṭial Tharmi

Pastor David Lah cu thla 3 thong dan an pek

Kokek Ral Runvennak Upadi in tazacuaimi Pastor David Lah le U Wai Tun cu Mayangon peng biaceih zung nih tuni August 6 ah rianhrang ṭuanter pah in thla 3 thong thlak dingin biaceihzung nih dan a tat hna.

Tuni ah Pastor David Lah a ttanhtu minung 50 hrawng cu biaceih zung hmai ah an hung chuak. Media pawl nih hman an thlak khawhnak hnga lo palek nih nithawng in an huh hna.

Pastor David Lah le U Wai Tun cu biaceih zung nih July 2 ahkhan Kokek Ral Runvennak Upadi in tazacuai tlak an si ko a ti i July 9 ah bia halnak an thok.

Covid-19 zawtnak cu mibu umnak hmun pawl ah a karh ning a ran tuk caah mibu in um le puai tuah lo dingin Myanmar President Zung nih March 13 ah nawl a chuah.

Saya David Lah le U Wai Tun biaceih an thok cang hna

Cozah nih nawl a chuahmi cu Mayangon peng GAD zung nih March 26 ah nawl a chuahchap ve nain Pastor David Lah le U Wai Tun nih April 7 ah mibu he pumhnak, hlasak, thlacamnak le DMI account in online ah live an thlah caah No.7 sanguk bawi U Ye Win Aung nih taza a cuai hna.

Curuangah, Pastor David Lah te cu May 20 ah an tlaih hna i atu bantuk in dan an tat hna hi a si.

Pastor David Lah nih online in “Khrihfa cu coronavirus zawtnak nih a teih hna lo” tiin thawngtha a chim caah mi tampi nih rak soisel a si.

A hnu ah amah zong coronavirus zawtnak a ngei i a zultu minung 20 leng zong coronavirus zawtnak an ngei ve.

- Advertisement -

Ṭial Tharmi

Myanmar pa nih ‘Malaysia ah ka umter rih ko uh’ tiin cozah a nawl

A visa thih ruangah April 21 hlan ah tlun a haumi Myanmar pa nih, "Zaangfahnak tein ka kirter rih hlah uh, ka umter rih...

Ngakchia a tlaihhrem tu pa cu TNLA nih mi zapi hmai ah a thah

Kum 5 ngakchia nute a tlaihhrem hnu ah that tu pa cu Ta'ang hriamtlai phu TNLA nih thih dan a pek i mipi hmai...

KIA nih Myanmar ralkap 100 deng an thah rih hna

Kachin hriamtlai phu KIA nih an chuhmi hna China ramri um an sakhan cu lak ṭhan dingin Myanmar ralkap an i zuam nain KIA...
- Advertisement -

KIA nih Myanmar ralkap 30 leng an thah hna, 18 an tlaih hna

Kachin state, Momauk peng ah uknak firtu Myanmar le Kachin hriamtlai phu Kachin Luatnak Ralkap (KIA) fak tukin an i kap, i nizaan zaanlei...

A tlaumi Salai Ezekiel aruak in an hmuh

April 7 ah uknak firtu Myanmar ralkap nih Kalay khua, Tahan sang sandahpiahmi an ṭhen hna lio ah a tlaumi Salai Ezekiel cu ni...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -