14.1 C
Hakha
Sunday, May 9, 2021
- Advertisement -

Ṭial Tharmi

Pi Van Bawi Hnem aithing cuai 200 hrawng cu Hakha sipin nih hnawm rialnak seh in a rialpiak dih

Thangtlang peng, Tlanglo khuami Pi Van Bawi Hnem nih a cinmi aithing cu Hakha ah zuar dingin August 25 zaanlei sml 5pm ah Hakha an phak pi.

Pi Van Bawi Hnem nih a rak phorhmi aithing cu Hakha, Pyidawthar market i thilzuarmi hna sinah an zuarh hna.

Zaanlei sang a si cang caah cuai 80 lawng an zuar manh. A tangmi salaeih tun 10 le tan (cuai 200 hrawng) cu a thaizing August 26 ah zuar tthan dingin market hmai ah an chiah tak.

Hakha peng sipin nih nawl an buar tiin salaeih cu an lak i hmunthur rialnak motor in an rial dih.

“Kanmah hi khuate lei in a rami kan si. Tlanglo khuami kan si. Pawcawmnak caah kan lo ah aithing kan cin i zuar dingin August 25 zaanlei 5pm ah Hakha kan phan.

“Aithing cu market ah kan pek dih manh lo. Tungbing kan hlan i a kan ttin tak. A tlai tuk cang i chikhat te cu hika ah rak um sehlaw zingka ah kan rak lak te lai kan ti i market thilzuar pawl zong nih ee an kan ti.

“A thaizing zingka tuante in kan va kal tikah sipin nu nih pa 4, 5 hrawng a van i ratpi hna i kan aithing cu motor cungah an chiah.

“Kan dawi hna i kan zaangfah ko uh! upadi kan theih lobia si tiin avoi 1nk ah kan nawl hna. Avoi 2nk ah tangka dan kan tat ulaw tangka tu kan cawi lai kan ti hna. An duh lo.

“Avoi 3nk kan va kal tthan i kan pu (Sinpin bawi) rak tong uh a kan ti. An pu ton kan timh ah kan pu um lo an ti i innka zong an kan onh duh lo, an pu kan tong kho lo.

“Avoi 4nk ah kan aithing cu hnawm rialnak seh in a kan rial piak. Kan aithing hi hnawmtam zong a si lo. Kan pawcawmnak le dam lo thlopnak ah kan cinmi a si.

“Kan lungfak tuk. Hi hnu hmailei zongah khuate in a rami paoh cu upadi an theih lo tikah dantu kan tat ko uhlaw. Hitin cun kan tuahpiak ti hlah uh! tiin zaangfah kan in nawl hna” tiah Pi Van Bawi Hnem nih a chim.

Pi Van Bawi Hnem pasal cu a dam lo caah Hakha sizung ah aa thlop i a pasal thlopnak caah aithing hi an za deuh nalo buin an phuk i an zuarmi a si.

A tang i Democratic Voice of Chin-DVC video ah tling deuh in zoh khawh a si.

- Advertisement -

Ṭial Tharmi

CDF-Hakha nih Surkhua Palik Sakhan an lak, hriamnam zong an lak

Chinram Vengtu Ralkap (CDF) Hakha nih May 8 chun 11:30am hrawngah Surkhua palik sakhan an lak i hriamnam zong an lak. Sakhan cu an...

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...
- Advertisement -

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...

CDF nih CDM tuah lomi sianginn saya/ma pawl ralrin a pek hna

Chinram Runvennak Ralkap (Chinland Defense Force - CDF) nih CDM a tuah lomi le sianginn kai dingin forhfialtu saya/ma pawl cu fak piin ralrin...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -