14.1 C
Hakha
Sunday, May 9, 2021
- Advertisement -

Ṭial Tharmi

President Trump nih ‘mipeem pawl cu an ke ah kap hna uh’ ati

US thlanglei ramri in mipeem a tingting an luh peng caah President Donald Trump nih ‘an nuarh deuhnak hnga an ke ah kap hna uh’ ati, tiah The New York Times thawngla 2 nih cauk an chuahmi chungah an ṭial.

A par zummi in ramri vampang sak in lekṭhik leihnak bunh chih ding si, cun ramri pawng ah horkuang cawh in rul le tisartlam chia usih law ṭha lai tiah ruahnak a cheuh hna, tiah an ṭial.

Mah cu President Trump nih a rak rel ve i Twitter in a auhnawh colh hna. “Ramri himnak kongah ka duhfak ko nain mah tluk tiang cu ka si lo dahkaw. Media an hrut cang. Fake News!” tiin a ṭial.

Mexico ramri ah vampang sak cu President Trump nih aa tinh bikmi policy pakhat asi ve.

US ralkap tangka $3.6 billion in atu hi vampang sak cu an thok cang.

Cauk nih zeitin dah Trump kong a tial?

Thawngla Michael Shear le Julie Davis nih an chuahmi cauk cu “Border Walls: Inside Trump’s Assault on Immigration” tiah khawngsin an bunh i The New York Times media nih a chuah.

President Trump nih “mipeem cu ralkap nih an ke ah kap hna sehlaw si ko hen cu…” tiah ruahnak petu pawl a chimh hna nain, “upadi nih a onh lo” an ti.

Tuan deuh zongah Pu Trump nih “lungcheh a hmangmi mipeem pawl cu ralkap nih kah ding an si ko” tiin mipi sinah a rak chim bal.

Trump nih ruahnak petu hna sinah “ramri vampang pawngah tilak co usih law a chungah ti le rul le tisartlam chia usih law ttha men lai” tiah a chim tawn.

Cucaah, ruahnak petu pawl nih mah tuahnak ding cun tangka zeizat dah a dih lai ti tiang an hlat.

Ramri vampang ahcun lekṭhik leihnak zong bunh a duh, cun vampang a parlei cu minung taksa pemh kho dingin zumter a duh fawn, an ti.

- Advertisement -

Ṭial Tharmi

CDF-Hakha nih Surkhua Palik Sakhan an lak, hriamnam zong an lak

Chinram Vengtu Ralkap (CDF) Hakha nih May 8 chun 11:30am hrawngah Surkhua palik sakhan an lak i hriamnam zong an lak. Sakhan cu an...

NUG nih ‘Mipi Vengtu Ralkap kan dirh cang’ ati

Caankarlak cozah NUG nih, "Mipi Vengtu Ralkap kan dirh cang," tiah nizaan May 5 ah thawng a thanh. NUG nih, "Ralhrang ralkap cozah nih mipi...

Ralkap: Salawng hmangmi cu thong kan in thlak hna lai

Cutuh salawng pawl a thli tein aa bunh i a hmangmi cu thongthlak nan si lai, tiah ralkap nih mipi a tlerh hna. Cheukhat hmun...
- Advertisement -

US nih Myanmar cozah tangka $1 Billion na tlaihmi hi NUG cozah pe – UN palai Kyaw Moe Tun

Myanmar ram ah ralkap nih uknak a fir hnu in US nih a tlaihmi Myanmar cozah tangka $1 billion cu caan karlak dirhmi NUG...

CDF nih CDM tuah lomi sianginn saya/ma pawl ralrin a pek hna

Chinram Runvennak Ralkap (Chinland Defense Force - CDF) nih CDM a tuah lomi le sianginn kai dingin forhfialtu saya/ma pawl cu fak piin ralrin...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -